کمشنر سیکرٹری آر ڈی ڈی نے نگروٹہ پنچائت کا کیا دورہ

کمشنر سیکرٹری آر ڈی ڈی نے نگروٹہ پنچائت کا کیا دورہ
جموںکمشنر سیکرٹری رورل ڈیولپمنٹ ڈیپارٹمنٹ مندیپ کور نے بلاک نگروٹہ کی پنچائت کے سی اپر میں محکمانہ کاموں کا معائینہ کیا ۔ کمشنر سیکرٹری نے پنچائت کے وارڈ نمبر 1 کا دورہ کیا تا کہ سوسائٹی فار پریونشن آف کرولٹی ٹو اینیملز ( ایس پی سی اے ) پراجیکٹ سائٹ اور محکمہ کے دیگر متعلقہ کاموں کی پیش رفت کا جائیزہ لیا جا سکے ۔ کمشنر سیکرٹری نے پراجیکٹ کی جلد تکمیل پر زور دیا ۔ انہوں نے متعلقہ افسران کو رواں مالی سال کے کیپیکس اور ایم جی نریگا کے کاموں کی رفتار بڑھانے کی بھی ہدایت دی ۔ افسران کو ہدایت دی گئی کہ وہ مالی سال کے اختتام سے پہلے کام کو اچھی طرح سے مکمل کر لیں ۔ مندیپ کور نے افسران پر زور دیا کہ وہ بلاک میں دیہی ہاٹ کے قیام اور ان کی وسیع تشہیر کریں ۔ انہوں نے کہا کہ گاو¿ں والوں کو گاو¿ں کے بازاروں کے کامیاب آغاز میں حصہ لینے کی ترغیب دی جائے ۔ اس موقع پر پنچائت کے سرپنچ کرپال سنگھ اور پی آر آئی ممبران موجود تھے جنہوں نے کمشنر سیکرٹری کو محکمانہ کاموں کے بارے میں معلومات اور رائے دی ۔ فیلڈ وزٹ کے دوران موجود افراد میں ڈائریکٹر آر ڈی ڈی ، سپرنٹنڈنٹ انجینئر آر ای ڈبلیو ، اسسٹنٹ کمشنر ڈیولپمنٹ جموں ، بلاک ڈیولپمنٹ آفیسر نگروٹہ اور دیگر افسران بھی شامل تھے ۔