لیفٹیننٹ گورنر نے جی۔20 سمٹ کی تیاریوں کا لیا جائزہ
جموں انفو لیفٹیننٹ گورنر منوج سِنہا نے 2023ءمیں جموںوکشمیر میںمنعقد ہونے والے جی۔20 سمٹ کی تیاریوں سے متعلق ایک اعلیٰ سطحی میٹنگ کی صدارت کی۔لیفٹیننٹ گورنر نے جی ۔20 سمٹ سے قبل وسیع تیاریوں پر زور دیا اور اُنہوں نے کہا کہ اِنڈیا کی صدارت میں ہونے والی میٹنگیں جموںوکشمیر کی حصولیابیوں کو بانٹنے اور اس کے ثقافتی ورثے کو ظاہر کرنے کا بھی ایک موقع ہے۔اُنہوں نے میٹنگوں کو کامیاب بنانے کے لئے طلباءاور تعلیمی اِداروں کو شامل کرنے پر بھی زور دیا۔اُنہوں نے اعلیٰ تعلیم محکمہ کو ہدایت دی کہ وہ جموںوکشمیر یوٹی کی یونیورسٹیوں اور تعلیمی اِداروں میں جی۔20 پر سمینار منعقد کرے۔میٹنگ میں چیف سیکرٹری ڈاکٹر ارون کمار مہتا ، ایڈیشنل چیف سیکرٹری محکمہ زرعی پیداوار اَتل ڈولو ، ایدیشنل چیف سیکرٹری محکمہ داخلہ آر کے گوئیل ، ایس آر آر سوین ، سپیشل ڈی جی سی آئی ڈی ، اِنتظامی سیکرٹریز ، صوبائی کمشنران ، پولیس او رسول اِنتظامیہ کے اعلیٰ اَفسران نے ذاتی طور پر اور بذریعہ ویڈیو کانفرنسنگ شرکت کی اور اَپنی قیمتی تجاویز سے آگاہ کیا۔
لیفٹیننٹ گورنر نے جی۔20 سمٹ کی تیاریوں کا لیا جائزہ
