ملک وقوم کی ترقی میں نوجوانوںکاکلیدی رول /امت شاہ

ملک وقوم کی ترقی میں نوجوانوںکاکلیدی رول /امت شاہ
سری نگر…..۸۲، جنوری…… جے کے این ایس…….مرکزی وزیر داخلہ امت شاہ نے ہفتہ کو نوجوانوں سے کہا کہ وہ قوم کی تعمیر میں ہاتھ بٹائیں اور اس بات کو یقینی بنائیں کہ جب ملک2047 میں آزادی کا صد سالہ جشن منائے گا، ہندوستان ہر میدان میں پہلے نمبر پر ہے۔ انہوں نے نوجوانوں پر زور دیا کہ وہ آزادی کے اس75 ویں سال میں اپنی ذاتی زندگیوں میں ترقی کا عزم کریں اور کسی نہ کسی میدان میں قوم کی تعمیر میں اپنا حصہ ڈالیں۔جے کے این ایس مانٹرینگ ڈیسک کے مطابق مرکزی وزیر داخلہ امت شاہ نے بی وی بھومرادی کالج کی پلاٹینم جوبلی تقریبات سے خطاب کرتے ہوئے کہاکہ جب ہم 2047 میں آزادی کا صد سالہ جشن منائیں گے تو ہر میدان میں ہماری اس عظیم قوم کا نمبر ایک ہونا چاہیے۔ ایسی قوم کی تعمیر کے لئے آپ نوجوانوں کووزیراعظم مودی کی اپیل پر ہاتھ جوڑ کر ایک عظیم ہندوستان کی تعمیر میں اپنا حصہ ڈالنا چاہیے۔مرکزی وزیر داخلہ امت شاہ نے طلباءاور نوجوانوں سے آزادی کی جدوجہد اور ملک کی آزادی کےلئے لوگوں کی طرف سے دی گئی قربانیوں کے بارے میں پڑھنے کی تلقین کرتے ہوئے کہاکہ ہر کسی کو ملک کی خاطر اپنی جانیں قربان کرنا ہمارے فوجیوں کی طرح خوش قسمت نہیں ہوتا ہے۔ انہوںنے کہاکہ ہم ملک کے لیے اپنی جان تو قربان نہیں کر سکتے لیکن اس قوم کی خاطر اپنی زندگیاں گزار سکتے ہیں۔امت شاہ کاکہناتھاکہ کسی کو اپنے پیشہ ورانہ یا پسند کے میدان میں بلندیوں کو حاصل کرنے کی کوشش کرنی چاہئے، لیکن اس کے ساتھ ہمارا مقصد یہ بھی ہونا چاہئے کہ ہندوستان پوری دنیا میں نمبر ایک بن جائے۔اس بات کی طرف اشارہ کرتے ہوئے کہ ہندوستان گزشتہ8 سالوں کے دوران 11ویں نمبر سے آج 5ویں سب سے بڑی معیشت ہے، مرکزی وزیر داخلہ امت شاہ نے کہا کہ یہ پیشین گوئی کی جارہی ہے کہ ہندوستان2027 تک دنیا کی تیسری سب سے بڑی معیشت بن جائے گا۔انہوںنے کہاکہ وزیر اعظم مودی، اس کو ذہن میں رکھتے ہوئے، ہندوستان کے نوجوانوں کےلئے ایک خواب ہے کہ ہندوستان (امریکی) پانچ ٹریلین ڈالر کی معیشت بن جائے۔ امت شاہ نے کہاکہ اگر ایسا ہوتا ہے تو، آپ جیسے ٹیکنیکل یونیورسٹی کے طلباءکو بہت سے مواقع ملیں گے۔اسٹارٹ اپ اسپیس میں ہندوستان کی ترقی کو اجاگر کرتے ہوئے، وزیر داخلہ نے کہا کہ2014 میں صرف تین یونیکورن اسٹارٹ اپ تھے، لیکن آج ملک میں 70ہزارسے زیادہ اسٹارٹ اپ ہیں۔ ان میں سے75 یونیکورن اسٹارٹ اپس ہیں اور ان اداروں میں سے 30 فیصد خواتین کی سربراہی میں ہیں۔انہوں نے کہا کہ ان میں سے تقریباً45 فیصد سٹارٹ اپ ٹائر،2 اور 3 شہروں سے ہیں۔وزیرداخلہ نے مزید کہا کہ اس سے ظاہر ہوتا ہے کہ قابلیت رکھنے والے کامیاب ہو سکتے ہیں چاہے وہ کسی بھی جگہ پر ہوں۔ہندوستان کو مینوفیکچرنگ ہب اور آج پانچویں سب سے بڑی معیشت بنانے کےلئے مودی حکومت کی طرف سے کئے گئے اقدامات کو نوٹ کرتے ہوئے امت شاہ نے کہا کہ پیٹنٹ رجسٹریشن کسی بھی ملک کے مستقبل کا تعین کرتا ہے۔انہوں نے نوجوانوں سے کہاکہ میں نوجوانوں سے کہنا چاہتا ہوں کہ وہ روایتی سوچ اور فریم ورک سے باہر آئیں اور نئے سرے سے سوچیں، ہمت کریں اور آگے بڑھیں۔ملک میں آئی آئی ٹی، آئی آئی ایم، ایمس، آئی آئی آئی ٹی، یونیورسٹیوں اور کالجوں میں اضافہ کی طرف اشارہ کرتے ہوئے امت شاہ نے کہا کہ پی ایم مودی کی قیادت میں مرکزی حکومت نے تعلیم کے دائرہ کار میں اضافہ کیا ہے۔