نریندر مودی کی قیادت میں ملک مضبوط ہوا / راجناتھ سنگھ

 نریندر مودی کی قیادت میں ملک مضبوط ہوا / راجناتھ سنگھ
سرینگر07/فروری/ سی این آئی/ بھارتیہ جنتا پارٹی (بی جے پی) کے اقتدار میں آنے کے بعد پورے ملک کا کا چہرہ ہی بدل گیا ہے کا دعویٰ کرتے ہوئے وزیر دفاع راجناتھ سنگھ نے کہا کہ شمال مشرقی علاقوں میں انٹرنیٹ کی مدد سے تیزی سے ترقی کر رہا ہے۔انہوںنے کہا کہ غریبوں کو غربت سے نجات دلانے کا دعویٰ کرنے والی پارٹیوں کا کہیں نام و نشان نہیں ہے اور وہی لوگ ہیں جنہوں نے سالوں تک غریب لوگوں کا استحصال کیا۔ سی این آئی مانیٹرنگ ڈیسک کے مطابق اناکوٹی ضلع کے کیلاشہر میں ایک انتخابی ریلی سے خطاب کرتے ہوئے وزیر دفاع راجناتھ سنگھ نے کہا کہ پورا شمال مشرق انٹرنیٹ کی مدد سے تیزی سے ترقی کر رہا ہے۔ اقتصادی ترقی کی طرف بڑھ رہا ہے۔ انہوں نے کہا کہ خود کو غریبوں کا نجات دہندہ ہونے کا دعویٰ کرنی والی پارٹیوں میں وہی لوگ ہیں جنہوں نے سالوں تک غریب لوگوں کا استحصال کیا۔ اس نے غریبوں کے لیے کچھ نہیں کیا۔ لیکن بی جے پی کے اقتدار میں آنے کے بعد پورے ملک کا چہرہ بدل گیا۔ سنگھ، جو پیر کو پولنگ والی ریاست کے دو روزہ دورے پر پہنچے تھے، نے کہا کہ بی جے پی سے ہی ملک میں ترقی ہوئی ۔انہوں نے کہا کہ اب بجلی، پانی کے کنکشن اور سڑکیں ہیں کیونکہ بی جے پی حکومت ترقی کو تیز کرنے کے لئے ہر ممکن اقدامات کر رہی ہے۔انہوں نے کہا کہ بی جے پی کے دور حکومت میں انہیں عزت اور فوائد مل رہے ہیں۔سنگھ نے یہ بھی دعویٰ کیا کہ تریپورہ میں تشدد رک گیا ہے۔ انہوں نے کہا کہ نریندر مودی کی قیادت میں ملک مضبوط ہوا ہے اور دنیا سننا چاہتی ہے کہ ہندوستان کیا کہتا ہے۔ انہوں نے عوام پر زور دیا کہ وہ ریاست کی ترقی کو جاری رکھنے کے لیے آئندہ اسمبلی انتخابات میں بی جے پی کو ووٹ دیں۔ 60 رکنی ریاستی اسمبلی کے لیے ووٹنگ 16 فروری کو ہوگی، جب کہ ووٹوں کی گنتی 2 مارچ کو ہوگی۔