اَتل ڈولو نے زرعی مصنوعات کی جی آئی ٹیگنگ کی پیش رفت کا لیاجائزہ

اَتل ڈولو نے زرعی مصنوعات کی جی آئی ٹیگنگ کی پیش رفت کا لیاجائزہ
جموں/13مارچ/ایڈیشنل چیف سیکرٹری محکمہ زرعی پیداوار اَتل ڈولو نے سول سیکرٹریٹ جموں میں شناخت شدہ فصلوں اور مصنوعات کے لئے جی آئی ٹیگنگ کا جائز ہ لینے کے لئے اَفسران اور تکنیکی ماہرین کی ایک میٹنگ منعقد کی۔میٹنگ میں جموںوکشمیر کی زرعی مصنوعات کی جی آئی ٹیگنگ کے اطلاق پر متعلقہ اَفراد کی طرف سے پیش رفت پر سیر حاصل بحث و تمحیص ہوئی۔میٹنگ میں ڈائریکٹر زراعت جموں کے کے شرما ، ڈائریکٹر شیپ ہسبنڈری جموں کرشن لال ، ڈائریکٹر ہارٹی کلچر جموں رام سیوک ، ڈائریکٹر ریسرچ ( سکاسٹ ) جموں آر کے سمنوترا ، ایسو سی ایٹ ڈائریکٹر سکاسٹ مہیتل جموال اور دیگر اَفسران نے میٹنگ میں شرکت کی جبکہ سر ی نگر اور سکاسٹ کشمیر کے تکنیکی ماہرین نے بذریعہ ورچیول موڈ میٹنگ میں حصہ لیا۔دورانِ میٹنگ متعلقہ اَفسران اور تکنیکی ماہرین نے ایک پرزنٹیشن پیش کی جس میں شناخت شدہ فصلوں کے جی آئی سرٹیفکیشن کے اطلاق پر ہونے والی پیش رفت کو اُجاگر کیا۔ شناخت شدہ فصلوں کے جی آئی اطلاق کے مختلف دیگر پہلوﺅں پر بھی تبادلہ خیال کیا گیا۔جی آئی ماہر ڈاکٹر رجنی کانت بھی بذریعہ ورچیول موڈ میٹنگ میں شامل ہوئے اور جی آئی رجسٹریشن سر ٹیفکیشن کے دوران مخصوص مصنوعات کی ضرورت کے بارے میں اَپنی رائے دی۔میٹنگ میں سیر حاصل بحث و تمحیص کے بعد 15فصلوں اور اجناس کی نشاندہی کی گئی ہے اور ایک ماہ کے اَندر کنسلٹنٹ کو بھیجنے کا فیصلہ کیا گیا ہے ۔ اِس کے علاوہ میٹنگ میں جی آئی ٹیگنگ کے لئے 5نئی مصنوعات کی بھی نشاندہی کی گئی جن میں ٹھنڈی کھوئی کی برفی ، لکھن پور کی بڈھا، کڈ کی پتیسا ، پونچھ کی مونگ پھلی او رجموں کی کوئیر شامل ہیں اورن مصنوعات کو بھی جلد ہی جی آئی ٹیگنگ کے لئے بھیجا جائے گا۔ایڈیشنل چیف سیکرٹری نے تکنیکی ماہرین پر زور دیا کہ وہ تاریخی شواہد اِکٹھا کرنے پر توجہ دیں تاکہ ان فصلوں کے جی آئی سرٹیفکیشن ہرکیس کو یقینی بنایاجاسکے۔