جی 20کی صدارت سنبھالنا پوری قوم کےلئے فخر کی بات

جی 20کی صدارت سنبھالنا پوری قوم کےلئے فخر کی بات
سر ی نگر/انفو/ لیفٹیننٹ گورنر کے مشیر راجیو رائے بھٹناگر نے ایس کے آئی سی سی میں لیکچر سیریز ” جی 20 یونیورسٹی کنیکٹ“ سے خطاب کیا ۔اِس لیکچر سیریز کا اِنعقاد سینٹرل یونیورسٹی کشمیر نے وزارتِ خارجہ اَمور اور ترقی پذیر ممالک کے لئے ریسرچ اینڈ اِنفارمیشن سسٹم کے اِشتراک سے کیا تھا۔مشیر راجیو رائے بھٹناگر نے سکالروں ، ماہرین تعلیم ، پروفیسروں اور طلباءکی بڑی تعداد کے اِجتماع سے خطاب کرتے ہوئے کہا کہ یہ پوری قوم کے لئے فخرکی بات ہے کہ ہمارا ملک جی 20 کی صدارت سنبھال رہا ہے ۔اُنہوں نے مزید کہا کہ اِنڈیا عالمی لیڈر بننے کی راہ پر گامزن ہے۔اُنہوں نے کہا کہ ملک گیر جی 20 پروگراموں کا بنیادی مقصد دُنیامیں اِنڈیا کے کردار کے بارے میں بیداری پھیلانے کے لئے لوگوں اور نوجوانوں کو برانڈ ایمبسیدر کے طور پر شامل کرنا ہے۔لیفٹیننٹ گورنر کے مشیر راجیو رائے بھٹناگر نے کہا کہ اِنڈیا کی جی 20 صدارت کا تھیم ” واسودھا ئیو ا کٹم بکم “ ( ایک زمین ۔ ایک کنبہ ۔ ایک مستقبل) تمام زندگیوں ۔اِنسانوں ، جانوروں ، پودوں اور مائیکرو جنزموں اور کرہ اَرض اور وسیع کائنات میں ان کے باہمی ربط کی تصدیق کرتا ہے۔ اُنہوں نے مزیدکہا کہ جی 20 کی صدارت 15 اگست 2022ءکو اَپنی آزادی کی 75ویں سالگرہ سے شروع ہونے والے 25 سالہ دور امرت کال کے آغاز کو بھی نشان زد کرتی ہے جو اس کی آزادی کی سو سال تک ایک مستقبل ، خوشحالی ، جامع اور ترقی یافتہ معاشرہ کی طرف لے جائے گی۔ مشیر موصوف نے مزید کہا کہ اِنڈیا کی جی 20 صدارت عالمی اِقتصادی اور سیاسی طاقت کے طور پر ملک کی پہچان کی علامت ہے ۔ اُنہوں نے کہا کہ اِنڈیا کی صدارت میں ملک ماحولیاتی تبدیلی اور دیرپا ترقی پرتوجہ مرکوز کرتے ہوئے عالمی اِقتصادی اور مالیاتی اَمور پر تعاون کے لئے ایک عالمی فورم کے طور پر جی 20 کی حیثیت اور اِختیار کو تقویت دینے کی کوشش کرے گا۔مشیر راجیو رائے بھٹناگر نے لیکچرسیرز کی اہمیت پر بات کرتے ہوئے کہاکہ نوجوان دُنیا کا مستقبل ہیں اور ان کی طاقت کو تمام شعبوں میں اِستعمال کیا جانا چاہیے۔ اُنہوں نے مزید کہا کہ یہ لیکچر سیریز جی 20 ممالک میں نوجوان سوچ کوشامل کرنے پر مرکوز ہے۔اُنہوں نے کہا ،” لیکچر سیریز کا مقصد مختلف شعبوں کے سکالروں اور ماہرین کو اِکٹھا کرنا تاکہ یونیورسٹیوں کے درمیان عالمی تعلیم اور تحقیقی تعاون کی اہمیت پر تبادلہ خیال کیا جاسکے۔“اِس موقعہ پر سابق سفیر اور پروفیسر ایمریٹس اور ڈائریکٹر بین الاقوامی تعلقات سوشانت یونیورسٹی گورو گرام سفیر جے ایس مکل ، پروفیسر،سینٹر فارکینیڈین یونا ئٹیڈ اسٹیٹس اور لاطینی امریکن سٹیڈیز ، سکول آف اِنٹرنیشنل سٹیڈیز جے این یو پروفیسر اروند کمار اور وائس چانسلر سی یو کے پروفیسر اے رویندر ناتھ نے بھی خطا ب کیا۔اِس موقعہ پر مشیر راجیو رائے بھٹناگر نے جی 20 یونیورسٹی کنیکٹ کے مختلف مقابلوں میں بہترین کارکردگی کا مظاہرہ کرنے والے طلباءمیں انعامات بھی تقسیم کئے۔اِس موقعہ پر یونیورسٹیوں کے وائس چانسلرز ، فیکلٹی ممبران ، سی یو کے کے سینئر افسران اور طلباءبھی موجود تھے۔یہ بات قابل ذِکر ہے کہ وزارت خارجہ امور نے جی 20 یونیورسٹی کنیکٹ پروگراموں کے تحت مختلف سرگرمیاں منعقد کرنے کے لئے ملک بھر میں 75 یونیورسٹیوں کو نامزد کیا تھا اور سینٹرل یونیورسٹی آف کشمیر ان میں سے ایک تھی جس نے اَب تک 35سے زیادہ پروگرام منعقد کئے ہیں۔