وزیراعظم نریندر مودی نیویارک پہنچنے پر کیا گیا شاندار استقبال

وزیراعظم نریندر مودی نیویارک پہنچنے پر کیا گیا شاندار استقبال
نیویارک/ 21 جون /یو این آئی/ وزیر اعظم نریندر مودی امریکہ کے اپنے سرکاری دورے کے پہلے مرحلے میں منگل کی دیر رات نیویارک شہر پہنچ گئے ہیں۔نیویارک کے ہوائی اڈے پر وزیراعظم مودی کا پرتپاک استقبال کیا گیا۔ ہوائی اڈے پر امریکہ میں ہندوستانی سفیر ترنجیت سنگھ سندھو اور اقوام متحدہ میں ہندوستان کی مستقل مندوب روچیرا کمبوج نے وزیر اعظم کا استقبال کیا۔ اس دوران امریکہ میں مقیم ہندوستانی برادری کے لوگوں نے وزیر اعظم کی حمایت میں نعرے لگائے اور ان کا شاندار استقبال کیا۔مسٹر مودی بدھ کو اقوام متحدہ کے ہیڈکوارٹر میں یوگا کے عالمی دن کی تقریبات کی قیادت کریں گے اور ممتاز سی ای اوز اور امریکی سوچ کے رہنماو¿ں سے بات چیت کریں گے۔نیویارک پہنچنے پر وزیر اعظم نے ٹویٹ کیا “نیویارک سٹی پہنچ گیا ہوں۔ بدھ (21 جون) کو یہاں مختلف لیڈروں کے ساتھ بات چیت اور یوگا ڈے کی تقریب کا انتظار کر رہا ہوں۔“ مسٹر مودی امریکی سوچ رکھنے والے رہنماو¿ں سے بات چیت کریں گے۔وزارت خارجہ کے ترجمان نے ایک ٹویٹ میں کہا” وزیر اعظم امریکہ کے اپنے پہلے سرکاری سرکاری دورے پر ہیں۔ مودی متحرک شہر نیویارک پہنچ گئے ہیں۔“واضح رہے کہ وزیر اعظم مودی امریکی صدر جو بائیڈن اور خاتون اول جل بائیڈن کی دعوت پر یہاں پہنچے ہیں۔ مسٹر مودی 24 جون تک امریکہ میں رہیں گے اور پھر مصر روانہ ہوں گے۔یو این آئی