بال تل ( گاندربل)//انفو//لیفٹیننٹ گورنر منوج سِنہا نے آج بال تل میں شری اَمرناتھ جی یاترا بیس کیمپ کا دورہ کیا اور شرک اَمرناتھ جی یاتریوں ، پونی والوں ، رضاکاروں اور وہاں تعینات اَفسران سے بات چیت کی۔اُنہوں نے نے کیمپ میں سہولیات ، خدمات کے معیار ، یاتریوں اور رضاکاروں کی خیریت کے بارے میں دریافت کیا۔
لیفٹیننٹ گورنر نے وہاں قائم کنٹرول روموں کا بھی سائٹ پر معائینہ کیا اور اَفسران کو یاترا روٹ اور بیس کیمپ کے ساتھ قیام و طعام ، خوراک ، صحت سہولیات ، صفائی ستھرائی کے اِنتظامات کا باقاعدہ معائینہ کرنے کی ہدایت دی۔اُنہوں نے کہا کہ جموںوکشمیر یوٹی اِنتظامیہ نے ایک محفوظ اور احسن یاترا کو یقینی بنانے کے لئے مناسب اِنتظامات کئے ہیں۔لیفٹیننٹ گورنر کو ضلع ترقیاتی کمشنر نے مختلف اِنتظامات بشمول بجلی اور پانی کی فراہمی ، صفائی ستھرائی ، بیت الخلاء یونٹس ، دیہی ہاٹ ، سٹریٹ لائٹنگ ، صحت سہولیات ، ایمبولینسوں کی دستیابی ، ویٹرنری خدمات ، فائر ٹینڈرس ، ٹریفک کی صورتحال وغیرہ کے بارے میں بریفنگ د
ی۔اُنہوں نے بتایا کہ مختلف مقامات پر مناسب موبائل آکسیجن یونٹس لگائے گئے ہیں ۔ اِس کے علاوہ مرد اور مشینری کسی بھی ایمرجنسی صورتحال سے نمٹنے کے لئے حساس مقامات پر موجود ہے۔ضلع ترقیاتی کمشنر نے لیفٹیننٹ گورنر کو بال تل بیس کیمپ پہنچنے والے یاتریوں اور پوتر گپھا پر حاضری دینے کے بعد واپس آنے والے یاتریوں کی یومیہ صورتحال کے بارے میں بھی جانکاری دی ۔لیفٹیننٹ گورنر نے یاتریوں ، شراکت داروں اور لنگر مینجمنٹ کمیٹیوں کے اَرکان سے بات چیت کرتے ہوئے شری اَمرناتھ جی کی جاری یاترا کے بارے میں ان کے تجربے کے بارے میں دریافت کیا۔
بعد میں لیفٹیننٹ گورنر نے بیس کیمپ میں قائم لنگر میں کھانا کھایا۔لیفٹیننٹ گورنر کے ہمراہ لیفٹیننٹ گورنر کے پرنسپل سیکرٹری نتیشور کمار، صوبائی کمشنر کشمیر پانڈو رانگ کے پولے ، آئی جی پی کشمیر وِجے کمار ، کمشنر سیکرٹری ریونیو محکمہ وِجے کمار بدھوری ، ضلع ترقیاتی کمشنر گاندربل شیامبیر اور ضلع اِنتظامیہ ، ایس اے ایس بی ، پولیس اور فوج کے دیگر سینئر اَفسران بھی تھے۔
