ڈیجیٹل خدمات نے لوگوں کو بااِختیار بنایا /چیف سیکرٹری
نئی دہلی/انفو/چیف سیکرٹری ڈاکٹر اَرون کمار مہتا نے تمام ضلع ترقیاتی کمشنروں کو ہدایت دی کہ وہ جموںوکشمیر میں ڈیجیٹل اَقدامات کے بارے میں پانچ برس سے زیادہ عمر کے تمام لوگوں میں بیداری پیدا کریں۔اِن باتوں کا اِظہار ڈاکٹر اَرون کمار مہتانے آئی ٹی ڈیپارٹمنٹ کی طرف سے منعقد کئے جانے والے ” ڈیجیٹل ویک“ کے آغاز کا اعلان کرنے کے لئے منعقدہ ایک تقریب میں کیا اور اِس میں جموںوکشمیر یوٹی کے ہزاروں اَفراد اور سکولی بچوں نے شرکت کی۔چیف سیکرٹری نے اَپنے خطاب میں کہا کہ ” رشوت“ کی بدحالی کو ” آن لائن خدمات“ سے بڑی حد تک دُور کیا جاسکتا ہے اور ڈیجیٹل خدمات رشوت کی برائی کا بہترین تریاق ہیں۔ اُنہوں نے کہا کہ ڈیجیٹل خدمات نہ صرف قابل رَسائی اور شفاف ہیں بلکہ غیر اِمتیازی اور زیادہ مو¿ثر ہونے کے ساتھ ساتھ یہ کم خرچ بھی ہیں۔اُنہوں نے کہا کہ اِس ہفتہ کو منانے کا مقصد صرف لوگوں کو ان کے حقوق سے آگاہ کرنا ہے ۔ اُنہوں نے کہا کہ صرف وہی لوگ جورشوت کے حامی ہیں اس طرح کی تبدیلیوں کے خلاف ہیں۔اُنہوں نے لوگوں کو مشورہ دیا کہ وہ اَپنے حقوق حاصل کریں اور اَپنے گھروں کے آرام سے خدمات کے لئے درخواست دے کر دفاتر جانے سے گریز کریں۔ اُنہوں نے آئی ٹی ڈیپارٹمنٹ پر کال سینٹر قائم کرنے یا درخواست دہندگان کو ان کی درخواستوں کی صورتحال کے بارے میں پیغامات بھیجنے جیسے طریقے وضع کرنے پر بھی زور دیا۔ڈاکٹر ارون کمار مہتا نے اِس بات کا اعادہ کیا کہ آج جموںوکشمیر گورننس میں آئی ٹی سلوشنز کو اَپنانے میں سرفہرست ہے۔اُنہوں نے اسے ایل جی اِنتظامیہ کی جانب سے پُر عزم قرار دیا اور اِس کا کریڈٹ تمام ضلع ترقیاتی کمشنروں ، سربراہان ، تمام اِنتظامی سیکرٹریوں اور سیکرٹری آئی ٹی ڈیپارٹمنٹ پر مشتمل ” ٹیم جے اینڈ کے “ کو دیا۔اُنہوں نے کہا کہ جب لوگوں کی دہلیز پر حکمرانی لانے کی با ت آتی ہے تو جموںوکشمیر نے تبدیل کرنے میں بہت طویل سفر طے کیا ہے ۔اُنہوں نے اُمید ظاہر کی کہ جموںوکشمیر یوٹی کو ملک کی دیگر ریاستوں اور یوٹیز کے لئے ایک رول ماڈل کے طور پر اُبھرنا چاہیے۔ اُنہوں نے کہا کہ ڈیجیٹل گورننس نئی اَخلاقیات ہے اور مستقبل میں جموںوکشمیر کے لئے آگے بڑھنے کا راستہ ہے۔چیف سیکرٹری نے جموںوکشمیر کے لوگوں کو بھی کریڈٹ دیا جنہوں نے اَپنے اِرد گرد ہونے والی تیز تبدیلیوں سے خود کو بہت قابلیت سے ڈھال لیا۔ اُنہوں نے کہا کہ آنے والے مہینوں میں جموںوکشمیر 1,016 کی موجودہ تعداد سے تقریباً 1,500 تک اَپ گریڈ کرنے کا ہدف رکھتا ہے۔اِس موقعہ پر کمشنر سیکرٹری آئی ٹی پریرنا پوری جنہوں نے بذریعہ ورچیول موڈ کالاکیندر جموں سے تقریبات کی میزبانی کی ، نے اِس پروگرام کو کامیاب بنانے میں صوبائی اور ضلعی اِنتظامیہ کے تعاون کے لئے اُن کا شکریہ اَدا کیا۔اُنہوں نے کہا کہ جموںوکشمیر یوٹی کا یہ ڈیجیٹل سفر ان کے فعال تعاون کے بغیر ممکن نہیں تھا۔ اُنہوں نے بڑی تعداد میں شرکت کرنے او راَپنے جوش و خروش کا مظاہرہ کرنے پر لوگوں کا شکریہ اَدا کیا۔اِس موقعہ پر مزید بتایا گیا کہ آئی ٹی ڈیپارٹمنٹ پورے جموںوکشمیر یوٹی میں ڈیجیٹل اَقدامات کو تسلیم کرنے کے لئے ” ڈیجیٹل جے این ڈکے ایوارڈز“ کا اعلان کرنے جارہا ہے۔صوبائی کمشنروں اور ضلع ترقیاتی کمشنر وں نے اَپنا ردِّعمل دیتے ہوئے ہفتہ بھر کے پروگرام کے اہداف کو حاصل کرنے کے لئے کئے گئے اَقدامات کے بارے میں بتایا۔ اُنہوں نے اَپنے تیار کردہ سٹالوں او رمعلوماتی مواد کے بارے میں جانکاری دی ۔اُنہوں نے ہفتے کے لئے منصوبہ بند سرگرمیوں کے بارے میں تفصیلات دیں۔ہر ضلع میں ہفتہ بھر جاری رہنے والے میگا بیداری کیمپ بیک وقت متعدد مقامات پر منعقد کئے جائیں گے جس میں ضلع ترقیاتی کمشنروں اور دیگر ضلعی سطح کے اَفسران ، پی آر آئیز ، طلباءاور عام لوگوں کی بڑی تعداد شرکت کریں گے۔
ڈیجیٹل خدمات نے لوگوں کو بااِختیار بنایا /چیف سیکرٹری
