مودی نے انجینئرز ڈے پر سر ایم وشویشوریا کو خراج عقیدت پیش کیا

مودی نے انجینئرز ڈے پر سر ایم وشویشوریا کو خراج عقیدت پیش کیا
سری نگر… 15 ستمبر …یو این آئی….وزیر اعظم نریندر مودی نے انجینئر ڈے کے موقع پر سر ایم وشویشوریا کو خراج عقیدت پیش کیا اور تمام محنتی انجینئروں کو نیک تمنائیں بھی دیں۔ایکس (سابق ٹویٹر) پوسٹ میں وزیر اعظم نے کہا کہ سر ایم وشویشوریا سے نسلوں کو اختراع کرنے اور قوم کی خدمت کرنے کی ترغیب ملتی رہے گی۔ وزیر اعظم نے چکابلا پورہ کی جھلکیاں بھی شیئر کیں، جہاں انہوں نے اس سال کے شروع میں اپنے دورے کے دوران سر ایم وشویشوریا کو خراج عقیدت پیش کیا تھا۔مسٹر مودی نے کہا، “انجینئرس ڈے پر ہم ایک وڑنری انجینئر اور سیاست داں سر ایم وشویشوریا کو خراج عقیدت پیش کرتے ہیں، ان سے نسلوں کو اختراع اور قوم کی خدمت کرنے کی ترغیب ملتی ہے۔ یہ چکابلا پورہ کی جھلکیاں ہیں، جہاں میں نے اس سال کے شروع میں اپنے دورے کے دوران انہیں خراج عقیدت پیش کیا تھا۔انہوں نے یہ بھی لکھا، “تمام محنتی انجینئروں کو انجینئر ڈے پر مبارکباد! ان کی اختراعی سوچ اور انتھک لگن ہمارے ملک کی ترقی کی بنیاد رہی ہے۔ بنیادی ڈھانچے کی خصوصیات سے لے کر تکنیکی کامیابیوں تک، ان کی شراکت ہماری زندگی کے ہر پہلو سے جڑی ہے۔یو این آئی