صحت و خاندانی بہبود کی وزارت کے مشیر نے تلمولہ گاندر بل میں وکست بھارت سنکلپ یاترا میں کی شرکت

صحت و خاندانی بہبود کی وزارت کے مشیر نے تلمولہ گاندر بل میں وکست بھارت سنکلپ یاترا میں کی شرکت
گاندر بل…..انفو…….صحت و خاندانی بہبود کی وزارت کے مشیر راجیو وادھاون نے پنچائت تلمولہ ۔ اے کا دورہ کیا اور جاری وکست بھارت سنکلپ یاترا میں حصہ لیا جس کا مقصد بیداری پھیلانا اور مختلف اہم سرکاری اسکیموں کو یقینی بنانا ہے ۔ اس تقریب میں ایک میگا پبلک آو¿ٹ ریچ پروگرام کا مشاہدہ کیا گیا جس میں ایڈیشنل ڈسٹرکٹ ڈیولپمنٹ کمشنر گاندر بل ، چیف پلاننگ آفیسر ، چیف میڈیکل آفیسر اور دیگر افسران کے علاوہ پی آر آئی ممبران اور عام لوگوں نے شرکت کی ۔ اس موقع پر مشیر نے مقامی کمیونٹی کے ساتھ بات چیت کی اور وکست بھارت سنکلپ یاترا کے تحت صحت کے مختلف اقدامات اور دیگر فلیگ شپ اسکیموں کے نفاذ کا جائیزہ لیا ۔ اس دورے کے دوران ہونے والی بات چیت نے نچلی سطح پر جاری صحت کی دیکھ بھال کے پروگراموں کے اثرات کے بارے میں قیمتی بصیرت فراہم کی۔ وکست بھارت سنکلپ عہد کے ایک حصے کے طور پر شرکاء بشمول بی ڈی سیز ، ڈی ڈی سیز ، ضلعی افسران ، پی آر آئیز اور مقامی لوگوں نے ملک کی ترقی کے تئیں اپنے عزم کا اعادہ کیا ۔ اس پروگرام میں وزیر اعظم نریندر مودی کا ایک پیغام پیش کیا گیا جو ایک انفارمیشن ، ایجوکیشن اینڈ کمیونیکیشن ( آئی ای سی ) وین کے ذریعے چلایا گیا ۔ افسران کے ساتھ بات چیت کرتے ہوئے مشیر نے کہا کہ اس دورے کا مقصد صحت کی دیکھ بھال کے پروگراموں اور خدمات کے موثر نفاذ کو یقینی بناتے ہوئے مرکزی اور مقامی حکام کے درمیان تال میل کو مضبوط بنانا ہے ۔ اجتماع سے خطاب کرتے ہوئے مشیر نے شرکاءکی کاوشوں کا شکریہ ادا کیا اور پروگرام کے کامیابی سے انعقاد پر ضلعی انتظامیہ کو سراہا ۔ انہوں نے بیداری پیدا کرنے ، جامع ترقی کیلئے خلاءکو ختم کرنے اور سرکاری اسکیموں کے ساتھ مشغولیت کو فروغ دینے میں وی بی ایس وائی کے کردار پر روشنی ڈالی ۔ انہوں نے وکست بھارت سنکلپ یاترا کے مقاصد کیلئے کمیونٹی کی طرف سے دکھائے گئے تعاون کے جذبے اور عزم کا بھی اعتراف کیا ۔ مزید براں مشیر نے آیوشمان آروگیہ مندر کورگ کا دورہ کیا جہاں انہوں نے پیش کردہ سہولیات اور خدمات کا معائینہ کیا ۔