دفعہ 370کینسرکی طرح تھا جس کو ہمیشہ ہمیشہ کےلئے کیا گیاختم /نائب صدر ہند
سرینگر…. 04جنوری//یو پی آئی /نائب صدر ہند جگدیپ دھنکھر نے جمعرات کے روز کہاکہ دفعہ 370کینسر کی طرح تھا جس کو ہمیشہ ہمیشہ کے لئے ختم کیا گیا ہے۔ انہوں نے کہاکہ آئین نے دفعہ 370کو عارضی قانون تھا اور موجودہ حکومت نے اس کو ہمیشہ ہمیشہ کے لئے دفن کیا ہے۔ یو پی آئی کے مطابق کٹھوعہ میں بائیو ٹیک اسٹارٹ اپ ایکسپو کا افتتاح کرنے کے بعد تقریب سے خطاب کے دوران نائب صدر ہند جگدیپ دھنکھر نے کہاکہ دفعہ 370کی منسوخی کا فیصلہ سوچ سمجھ کرلیا گیا۔ انہوں نے کہاکہ اس قانون کی وجہ سے ہی جموںوکشمیر میں دہشت گردی پنپ رہی تھی۔ انہوں نے مزید بتایا کہ اس قانون کو ختم کرکے موجودہ مرکزی حکومت نے جن سنگھ کے بانی شیاما پرساد مکھرجی کے خواب کو بھی شرمندہ تعبیر کیا ہے۔ انہوں نے کہاکہ “وزیر اعظم کی زیر قیادت ایگزیکٹو، مقننہ – لوک سبھا اور راجیہ سبھا – اور عدلیہ کو مبارکباد۔ تینوں نے متفقہ طور پر ہمارے آئین سے آرٹیکل 370 کو ہٹا دیا، ۔انہوں نے کہا کہ اس کے ساتھ ہی سیاما پرساد مکھرجی کا خواب پوری طرح پورا ہو گیا ہے۔انہوں نے بتایا کہ کسی نے بھی سوچا نہیں تھا کہ دفعہ 370ختم ہو جائے گا لیکن موجودہ حکومت نے اس قانون کو ختم کیا ہے۔ انہوں نے مزید بتایا کہ پارلیمنٹ کے دونوں ایوانوں میں اکثریتی سے اس قانون کو ختم کرنے کے بعد سپریم کورٹ آف انڈیا نے بھی مرکز کے فیصلے پر مہر ثبت کی ہے۔ نائب صدر نے کہاکہ اب کوئی سوچ بھی نہیں سکتا یہ دفعہ 370واپس آئے گا۔ انہوں نے کہاکہ موجودہ مرکزی حکومت جموں وکشمیر کے اور خصوصی توجہ مبذول کر رہی ہیں۔ ان کے مطابق جموں وکشمیر کے سبھی اضلاع میں اس وقت تعمیر وترقی کے کام شدو مد سے جاری ہیں، تعلیم یافتہ نوجوانوں کو روزگار فراہم کرنے کی خاطر بھی سرکار کوشاں ہے۔ ان کا کہنا تھا کہ دفعہ 370کی منسوخی کے بعد یہاں پر سرمایہ کاری کی خاطر بین الاقوامی ممالک کی بڑی کمپنیوں نے حامی بھر لی ہے۔ انہوں نے کہاکہ سرمایہ کاری سے یہاں کے نوجوانوں کو روزگار کی راہیں متعین ہو جائے گی۔
دفعہ 370کینسرکی طرح تھا جس کو ہمیشہ ہمیشہ کےلئے کیا گیاختم /نائب صدر ہند
