جموں……….انفو…….جموںوکشمیر یوٹی میں مکانات و شہری ترقی محکمہ کے بڑھتے ہوئے مسائل کو حل کرنے کی سمت میں ایک اہم قدم اُٹھاتے ہوئے ایک اعلیٰ سطحی میٹنگ منعقد ہوئی جس کی صدارت چیف سیکرٹری اَتل ڈولو کی ۔میٹنگ میں کمشنرسیکرٹری مکانات و شہری ترقی ،کمشنر سیکرٹری سیاحت کے علاوہ ہاﺅسنگ اور دیہی ترقی محکموں کے دیگر سربراہان نے شرکت کی۔میٹنگ میں چیف سیکرٹری نے بات کرتے ہوئے کہا کہ سٹری اِنفراسٹرکچر کہیں بھی ترقیاتی عمل کی پہچان ہے۔ اُنہوں نے دُنیا بھر میں شہری ترقی کے جدید معیارات کے مطابق موبائلٹی اور شہر کی رہائش کو زیادہ محفوظ، آسان اور تیز تر بنانے کے لئے تمام اِفادیت اور ترقیاتی منصوبوں کی بروقت تکمیل کی اہمیت پر زور دیا۔چیف سیکرٹری نے ہدایت دی کہ اس وقت پائپ لائن میں موجود تمام شہری ترقیاتی منصوبوں میں تیزی لائی جائے اور عوامی فلاح و بہبود کو اوّلین ترجیح دی جائے۔ یہ ہدایت نہ صرف شہری بنیادی ڈھانچے کو بڑھانے کے لئے حکومت کے عزم کی نشاندہی کرتی ہے بلکہ اس بات کو بھی یقینی بناتی ہے کہ یہ پیش رفت جموں و کشمیر کے رہائشیوں کے لئے ٹھوس فوائد کا باعث بنے۔دورانِ میٹنگ کمشنر سیکرٹری مکانات و شہری ترقی محکمہ مندیپ کور نے چیئر کو جموںوکشمیر کے شہری منظرنامے کو تبدیل کرنے کے مقصد سے اہم پیش رفتوں اور آنے والے اَقدامات کے بارے میں جانکاری دی۔ میٹنگ میں جن اہم موضوعات پر تبادلہ خیال کیا گیا ان میں شہری ترقی کو فروغ دینے کے لئے وسائل کے طور پر زمین کا فائدہ اٹھانے کی حکمت عملی ، شہری زمین کے دیرپا اور مو¿ثر اِستعمال کو یقینی بنانا شامل تھا۔میٹنگ میں عمارتوں کی اجازت کے حصول کے لئے ایک منظم اور شفاف نظام متعارف کرنے پر بھی تبادلہ خیال ہواجس کا مقصد تاخیر کو کم کرنا اور کاروبار میں آسانی کو فروغ دینا ہے۔میٹنگ میں بتایاگیا کہ سری نگر میں دریائے جہلم میں واٹر ٹرانسپورٹ سروس کی حیثیت، کنکٹویٹی کو بڑھانا اور وہاں کے لوگوں کو ماحول دوست ٹرانسپورٹیشن کے متبادل فراہم کرناہے۔ یہ بھی طے پایا کہ یہ سیاحوں کی زیادہ تعداد میں اس جگہ کا دورہ کرنے کے لئے ایک اِضافی کشش کا باعث ہوگا۔جامع شہری ترقی اور منصوبہ بندی پر توجہ مرکوز کرتے ہوئے جموں میٹروپولیٹن ریجن ڈیولپمنٹ اتھارٹی (جے ایم آر ڈی اے) اور سری نگر میٹروپولیٹن ریجن ڈیولپمنٹ اتھارٹی (ایس ایم آر ڈی اے) سے متعلق پیش رفت کی تازہ ترین معلومات اور مستقبل کے منصوبوں پر غور و خوض کیا گیا۔ یہ بتایا گیا کہ یہ پروجیکٹ ہمارے شہروں میں مستقبل موبائلٹی فراہم کریں گے جس سے یہاں کے مسافروں کو بہت آسانی ہوگی۔میٹنگ میں جموں میں بس سٹینڈ پر نو تعمیر شدہ جدید ترین، کثیر سطحی پارکنگ کی صورتحال کا بھی جائزہ لیا گیا ۔ اِس نے عوام کو آسانی اور روزگار فراہم کرنے کے لئے زیادہ سے زیادہ اِستعمال پر زور دیا اور حکومت کے لئے بھی آمدنی حاصل کر نے پر بھی زور دیا۔ میٹنگ میں جدیدٹرانسپورٹیشن کی سہولیات کی ضرورت پر توجہ دیتے ہوئے اور عوامی ٹرانسپورٹیشن کی بڑھتی ہوئی طلب کو مو¿ثر طریقے سے منظم کرنے کے دوران دونوں شہروں میں حال ہی میں متعارف کی گئی اِی ۔بسوں کے اِستعمال پر تبادلہ خیال ہوا۔میٹنگ نے یہاں بڑھتی ہوئی آبادی کو پورا کرنے کے لئے اس طرح کی سہولیات کی ضرورت کے سلسلے میں اس چیلنج سے نمٹنے کے لئے مناسب سہولیات فراہم کرنے کا عزم کیا۔ میٹنگ میںجموںوکشمیر یوٹی میں سیوریج کے اہم منصوبوں پر عمل درآمد میں پیش رفت کا جائزہ لیا گیا جس میں صفائی ستھرائی اور گندے پانی کے انتظام کو بہتر بنانے کی کوششوں کو اُجاگر کیا گیا۔میٹنگ میں دیرپا شہری ترقی اور ترقی کو فروغ دینے کے لئے حکومت کے عزم پر زور دیا اور اس بات کو یقینی بنایا گیا کہ اَقدامات جموںوکشمیریو ٹی میں اپنے شہریوں کی ضروریات اور امنگوں کے مطابق ہوں۔
چیف سیکرٹری نے محکمہ مکانات و شہری ترقی کے اہم ترقیاتی منصوبوں کا لیاجائزہ
