انتخابی منشور :”مودی کی گارنٹی 24 کیرٹ سونے کے برابر / راجناتھ سنگھ

سرینگر….14اپریل …سی این آئی… ہمارے انتخابی منشور میں ان ضمانتوں کی عکاسی کی گئی ہے جو وزیر اعظم نے ملک کے لوگوں کو دی تھیں کی بات کرتے ہوئے وزیر دفاع راجناتھ سنگھ نے کہا ”’مودی کی گارنٹی 24 کیرٹ سونے کے برابر ہے اور گورننس کے سونے کے معیار کے طور پر ابھری ہے“ ۔اسی دوران انہوں نے کہا کہ بھارت ہمیشہ سے ایک امن پسند ملک رہا ہے اور یہ ہماری ذمہ داری ہے کہ ہم اپنی طرف سے کسی بھی قسم کا تنازعہ نہ شروع کریں اور کہا کہ ہم نے دکھایا ہے کہ اگر کوئی ہماری ملکی سالمیت کو نقصان پہنچانے کی کوشش کرے گا تو ہم خاموش نہیں بیٹھتے ۔سی این آئی کے مطابق وزیر اعظم نریندر مودی کی جانب سے لوک سبھا انتخابات کے پیش نظر انتخابی منشور جاری کرنے پر اپنے خیالات کا اظہار کرتے ہوئے وزیر دفاع راجناتھ سنگھ نے کہا کہ منشور میں ان ضمانتوں کی عکاسی کی گئی ہے جو وزیر اعظم نے ملک کے لوگوں کو دی تھیں۔سنگھ نے کہا” مودی کی گارنٹی 24 کیرٹ سونے کے برابر ہے اور گورننس کے سونے کے معیار کے طور پر ابھری ہے“۔منشور کمیٹی کی سربراہی کرنے والے سنگھ نے کہا کہ ملک بھر سے 15 لاکھ سے زیادہ تجاویز موصول ہوئی ہیں جنہیں منشور میں شامل کیا گیا ہے۔منشور میں ایک قوم، ایک انتخابی اقدام کو نافذ کرنے، عام انتخابی فہرستوں کی تیاری، ٹرین کے سفر کے لیے انتظار کی فہرستوں کو ختم کرنے، 5G نیٹ ورکس کی توسیع اور دنیا بھر میں رامائن کے تہواروں کے انعقاد کے بارے میں بات کی گئی ہے۔اسی دوران زیر دفاع راجناتھ سنگھ نے کہا کہ بھارت ایک امن پسند ملک ہے اور وہ کسی کے ساتھ محاذ آرائی نہیں کرتا لیکن وہ کسی بھی چیلنج سے نمٹنے کی پوری صلاحیت رکھتا ہے۔ راجناتھ نے کہا کہ ہم اپنے پڑوسی ممالک کےساتھ بہتر تعلقات کے خواہاں ہے تاہم پڑوسی ممالک کو بھی چاہئے کہ ہمارے اس جذبے کی قدر کریں اور ہمارے خلاف پردپردہ سازشوں کو ترک کریں ۔ انہوںنے کہاکہ بھارت نے دکھایا ہے کہ کسی بھی ملک نے اگر جارحیت سے کام لیا تو ہم خاموش بیٹھنے والوں میں سے نہیں ہے ۔سنگھ نے کہا کہ ” بھارت ہمیشہ سے ایک امن پسند ملک رہا ہے اور یہ ہماری ذمہ داری ہے کہ ہم اپنی طرف سے کسی بھی قسم کا تنازعہ نہ شروع کریں لیکن ساتھ ہی یہ بھی اتنا ہی سچ ہے کہ ضرورت پڑنے پر ہمارا ملک کسی بھی چیلنج سے نمٹنے کیلئے پوری طرح تیار“ ہے۔ انہوں نے کہا کہ بدلتے وقت، چیلنجز اور ممالک کے باہمی تعلقات میں تبدیلیوں کے پیش نظر سیکورٹی کے جہت بھی تبدیل ہوئے ہیں اور ایسی صورتحال میں ہمیں کسی بھی صورتحال سے نمٹنے کیلئے تیار رہنا ہوگا۔راجنا تھ سنگھ نے کہاکہ دیگر پارٹیوں کے برعکس، ہم اپنے وعدوں کو پورا کرتے ہیں۔چاہے وہ ایودھیا میں رام مندر ہو یا منسوخی دفعہ 370تین طلاق کے خلاف قانون تھا ۔ انہوں نے مزید کہا کہ وزیر اعظم کو 2025 میں بیرون ملک پروگراموں کے لیے دعوت نامے مل رہے ہیں، پوری دنیا کو ان کی جیت یقینی ہے۔