بانڈی پورہ…..انفو…..بانڈی پورہ کے ڈسٹرکٹ الیکشن آفیسر شکیل الرحمان نے ضلع میں لوک سبھا۔ 2024 ءکے عام اِنتخابات کی تیاریوں کا جائزہ لینے کے لئے متعلقہ افسران کی ایک میٹنگ طلب کی۔کانفرنس ہال منی سیکرٹریٹ بانڈی پورہ میں منعقدہ میٹنگ میں اِنتخابی تیاریوں کے مختلف پہلوو¿ں بشمول سیکورٹی صورتحال، حساس پولنگ سٹیشنوں، ایم سی سی گائیڈ لائنز، اے آر اوز کی ذمہ داریوں اور تیاریوں، ٹرانسپورٹ اِنتظامات، سویپ سرگرمیوں، اخراجات کی نگرانی، فلاحی اَقدامات، پنک پولنگ سٹیشنوں، کنٹرول روموں کے کام، ایم سی ایم سی اور کمیونی کیشن پلان وغیرہ پر تبادلہ خیال کیا گیا۔میٹنگ میں پولنگ سٹیشنوں کی درستگی اور شمولیت کو یقینی بنانے کی تیاریوں، پولنگ سٹیشنوں کے سیٹ اپ اور رسائی کی تصدیق اور مختلف حالات سے مو¿ثر انداز میں نمٹنے کے لئے انتخابی عملے کی تربیت کا جائزہ لینے پر بھی تبادلہ خیال کیا گیا۔اِس موقعہ پرنوڈل آفیسر ایم سی سی نے میٹنگ کو جانکاری دی کہ ایم سی سی ٹیم کو موصول ہونے والی شکایات کو 24 گھنٹوں کے اندر نمٹا دیا جاتا ہے اور اِنتخابات سے متعلق سرگرمیوں کے لئے اجازت فراہم کرنے کے لئے مناسب طریقہ¿ کار اپنایا جاتا ہے۔اِس موقعہ پرڈِسٹرکٹ الیکشن آفیسر نے اِنتخابی عمل کے دوران مو¿ثر رابطے کو برقرار رکھنے پر زور دیا۔ڈِسٹرکٹ الیکشن آفیسر نے جامع جائزے، تربیتی سیشنوں، لاجسٹک تیاریوں اور کوآرڈی نیشن کی کوششوں جیسے اقدامات پر روشنی ڈالتے ہوئے آزادانہ، منصفانہ اور شفاف اِنتخابات کے اِنعقاد کے لئے تیاری کو یقینی بنانے پر زور دیا۔اُنہوں نے الیکشن نوڈل افسران پر زور دیا کہ وہ اِنتخابات سے متعلق ذمہ داریوں کو کامیابی سے انجام دینے کے لئے تندہی اور لگن کے ساتھ کام کریں۔اُنہوں نے سویپ کی سرگرمیوں کی صورتحال کا جائزہ لیتے ہوئے سویپ ٹیم پر زور دیا کہ وہ زیادہ سے زیادہ شرکت کو یقینی بنانے اور رائے دہندگان کی بیداری کو بڑھانے کے لئے اختراعی حکمت عملی اَپنائیں۔اِس موقعہ پر ڈِسٹرکٹ الیکشن آفیسر نے متعلقہ حکام کو ہدایت دی کہ وہ رائے دہندگان کی سہولیت اور رسائی کے لئے تمام پولنگ سٹیشنوں پر کم سے کم سہولیات (اے ایم ایف) کو یقینی بنائیں۔میٹنگ میں گھریلو ووٹنگ اور گلابی پولنگ سٹیشنوں کے اِنتظامات پر بھی تبادلہ خیال کیا گیا۔میٹنگ میںاے ڈی ڈی سی ایم اشرف ، اے ڈی سی (نوڈل آفیسر ایم سی سی) عمر شفیع پنڈت، سپرانٹنڈنٹ آف پولیس شفاعت محمد، ڈپٹی ڈسٹرکٹ الیکشن آفیسر محمد رفیق بٹ، اے سی آر (اے آر او 15۔بانڈی پورہ) شبیر احمد وانی، اے سی ڈی (نوڈل آفیسر ای وی ایم) ممتاز احمد پیر، سب ڈویژنل مجسٹریٹ گریز (اے آر او 16- گوریز) الیکشن نوڈل افسران اور دیگر متعلقین نے شرکت کی۔
ڈِسٹرکٹ الیکشن آفیسر بانڈی پورہ نے تیاریوں کا جائزہ لیا
