سرینگر۔۔۔۔۔۔۔۔25اپریل ۔۔۔۔۔۔۔۔سی این آئی۔۔۔۔۔۔۔ سخت ترین سیکورٹی انتظامات کے بیچ لوک سبھا انتخابات 2024کے سلسلے میںدوسر ے مرحلہ کی ووٹنگ آج ہو گی ۔ دوسرے مرحلے میں جموں پارلیمانی حلقہ میں نمائندگی کیلئے 22 امیدواروں کی قسمت کا فیصلہ 17.80 لاکھ سے زیادہ ووٹرز کریں گے۔ جموں پارلیمانی حلقہ 18 اسمبلی حلقوں میں پھیلا ہوا ہے، جس میں ریاسی، سانبہ ، جموں اور راجوری اضلاع شامل ہیں۔ادھر جموں میں پارلیمانی انتخابات کے پیش نظر سیکورٹی ہائی الرٹ کردی گئی ہے اور حساس علاقوں میںڈرون کے ذریعے نگرانی ہو رہی ہے ۔ سی این آئی کے مطابق کڑے حفاظتی حصار کے بیچ لوک سبھا انتخابات کے دوسرے مرحلے کیلئے پولنگ آج ہونی والی ہے ۔ دوسرے مرحلے میں ملک بھر میں 13ریاستوں میں ووٹ ڈالنے ہیں ۔ جموں کشمیر میںلوک سبھا انتخابات کے دوسرے مرحلہ میں پارلیمانی حلقہ جموں میں ووٹنگ ہوگی ۔ جموں پارلیمانی حلقے کے ریٹرننگ آفیسر کے دفتر کے فراہم کردہ اعداد و شمار کے مطابق، حلقے میں 17,80,835 رجسٹرڈ ووٹران ہیں، جن میں 9,21,095 مرد، 8,59,712 خواتین اور 28 خواجہ سراءشامل ہیں۔ ان میں 37,822 سروس ووٹران ہیں جن میں 37,025 مرد اور 797 خواتین ہیں۔انتخابی عمل کو آسان بنانے کیلئے الیکشن کمیشن آف انڈیا نے پورے حلقے میں 2416 پولنگ اسٹیشن قائم کیے ہیں۔ اس میں 18 گرین پولنگ اسٹیشن ، 46 پنک پولنگ اسےشین، اور 18 جسمانی طو رپر معذور افراد کیلئے پولنگ سٹیشن شامل ہیں، جو ووٹنگ کے عمل میں رسائی اور شمولیت کو یقینی بناتے ہیں۔حلقہ کے اندر تمام اضلاع، ریاسی، سانبہ، جموں اور راجوری میں، ووٹرز کی تقسیم مختلف ہوتی ہے۔تین اسمبلی حلقوں کے ساتھ ریاسی ضلع میں 2,52,62 ووٹر ہیں جن میں 12,33,23 مرد، 11,19,36 خواتین اور تین جواجہ سر ووٹر شامل ہیں۔ تینجموں ضلع، 11 اسمبلی حلقوں پر مشتمل ہے، جس میں 11,89,389 ووٹران ہیں، جن میں 6,13,988 مرد، 5,75,378 خواتین اور 23 ٹرانس جینڈر ووٹرز ہیں۔ راجوری ضلع، جس کا صرف کالاکوٹ سندربنی اسمبلی حلقہ جموں پی سی میں آتا ہے، 96,986 ووٹر ہیں، جن میں 50,923 مرد اور 46,062 خواتین شامل ہیں، ایک ٹرانس جینڈر ووٹر کے ساتھ ہے ۔ ووٹنگ صبح 7 بجے سے شام 6 بجے تک ہوگی اور اس سے قبل پولنگ اسٹیشنوں پر پولنگ ایجنٹوں کی موجودگی میں فرضی پولنگ ہوگی۔ ووٹنگ شام 6بجے کے بعد بھی جاری رہے گی، اگر ووٹروں کی قطار پولنگ اسٹیشن کے احاطے میں اپنے ووٹ کا حق استعمال کرنے کیلئے موجود ہے۔
دوسر ے مرحلہ کی ووٹنگ آج
