انسانی جانوں کو بچانے کیلئے ہر شہری کو سڑکوں پر چل کر اپنی ذمہ داری کو نبھانی چاہئے / منوج سنہا

سرینگر…..02مئی…. سی این آئی…… جموں وکشمیر کے لیفٹنٹ گورنر منوج سنہا نے راج بھون سے روڈ سیفٹی بیداری ٹور کو ہری جھنڈی دکھا کر روانہ کیا۔جس دوران انہوں نے اس بات پر زور دیا کہ ٹریفک قوانین پر عملدر آمد سے ہی حادثات پر قابو پا یا جا سکتا ہے اور انسانی جانوں کا ضیاں ہونے سے بچا یا جا سکتا ہے ۔ سی این آئی کے مطابق لیفٹنٹ گورنر منوج سنہا نے راج بھون سے روڈ سیفٹی بیداری ٹور کو ہری جھنڈی دکھا کر روانہ کیا۔جساس موقع پر لیفٹنٹ گورنر کے پرنسپل سکریٹری ڈاکٹر مندیپ کمار بھنڈاری، کشمیر روڈ سیفٹی فاﺅنڈیشن کے چیئر مین ناصر علی خان اور دیگر اعلیٰ حکام بھی موجود تھے۔انہوں نے ”ایکس“پر ایک پوسٹ میں کہا کہ کشمیر روڈ سیفٹی فاﺅنڈیشن کے مشن سیو لائف جموں کشمیر ٹورکو آج راج بھون سے ہری جھنڈی دکھا کر روانہ کیا۔لیفٹنٹ گورنر نے کشمیر روڈ سیفٹی فاﺅنڈیشن کی جموں وکشمیر میں سڑک کی حفاظت کو یقینی بنانے کے لئے چلائی جانی والی بیداری مہم کی سراہنا کی۔بتادیں کہ اس مشن کے تحت یونین ٹریٹری کے تمام اضلاع میں سڑک کی حفاظت کو یقینی بنانے کے لئے بیداری مہم چلائی جائے گی اور پائیدار ترقی کے اہداف کی اہمیت کے بارے میں بھی ایک ہمہ گیر مہم چلائی جائے گی۔