ریذیڈنٹ کمشنر نے جے کے ہاﺅس نئی دہلی میں قومی پرچم لہرایا

نئی دہلی…..انفو… ریذیڈنٹ کمشنر جموں وکشمیر نیرج کمار نے جموںوکشمیر ہاﺅس پرتھوی راج روڈ نئی دہلی میں 79 ویں یوم آزادی کے موقعہ پر قومی پرچم لہرایا۔اِس موقعہ پر جموںوکشمیر آرمڈ پولیس کے دستے نے گارڈ آف آنر پیش کیا۔تقریب میں نئی دہلی میں تعینات جموں و کشمیر کے تمام افسران اور اہلکاروں نے شرکت کی۔نیرج کمار نے اِجتماع سے خطاب کرتے ہوئے قوم کے تئیں فرض شناسی اور ذمے داری کی اہمیت پر زور دیا۔ اُنہوں نے دہلی، ممبئی اور امرتسر میں سہولیات کو صنعتی معیار کے مطابق بہتر بنانے، مہمان نوازی، منظم انتظامات اور شفافیت کے فروغ پر عملے کو مُبارک باد دی۔اُنہوں نے کشتواڑ میں حالیہ بادل پھٹنے کے سانحے کے متاثرین سے دِلی ہمدردی اور تعزیت کا اِظہار کیا۔تقریب کا اختتام قومی ترانے کی دھن سے ہوا۔