سری نگر….۲۲، اگست….جے کے این ایس …..مرکزی وزیر داخلہ امت شاہ نے جمعہ کو کہا کہ وزیر اعظم نریندر مودی کی قیادت میں بھارت کی معیشت تیزی سے آگے بڑھی ہے اور ملک کے لوگوں پرزوردیا کیا کہ ملک کو دنیا کے ہر شعبے میں سرفہرست لے جانے کےلئے اپنی پوری کوشش کریں۔جے کے این ایس کے مطابق کیرالہ کے شہر کوچی میں منورما نیوز کانکلیو 2025 کا افتتاح کرنے کے بعد خطاب کرتے ہوئے، مرکزی وزیر داخلہ امت شاہ نے موجودہ حکومت کے ریکارڈ کو سابقہ انتظامیہ کے ریکارڈ سے مقابلہ کرتے ہوئے کہا کہ ہندوستان طویل عرصے سے معاشی عدم استحکام کا شکار رہا ہے۔انہوں نے کہا کہ شری اٹل بہاری واجپائی کی قیادت کے دوران ہندوستان کی معیشت11ویں نمبر پر رہی۔ کانگریس حکومت نے اپنے10 سالوں میں صرف ایک اچھی چیز سنبھالی کہ انہوں نے اسے12ویں نمبر پر جانے نہیں دیا۔وزیر داخلہ امت شاہ نے کہاکہ گزشتہ 11 سالوں میں، وزیر اعظم مودی نے ملک کو 11 ویں پوزیشن سے لے کر دنیا کی چوتھی سب سے بڑی معیشت بننے تک پہنچایا تھا۔امت شاہ نے کہاکہ جب تک ہندوستان عروج پر نہیں پہنچ جاتا اور ایک عظیم ہندوستان کی تعمیر نہیں کرتے، کسی کو آرام کرنے کا حق نہیں ہے۔انہوںنے کہاکہ جب آزادی کا امرت مہوتسو منایا گیا، مودی جی نے ایک ہدف طے کیا کہ آزادی کے75 سے 100 سال تک کے اس سفر کے دوران، تمام 140کروڑ شہریوں کو اپنی پوری کوشش کرنی چاہیے اور ملک کو دنیا کے ہر میدان میں سب سے اوپر لے جانا چاہیے۔ان کا یہ بیان ایسے وقت میں آیا ہے جب امریکہ نے نئی دہلی کی طرف سے روسی تیل کی مسلسل خریداری کے جرمانے کے طور پر ہندوستان سے آنے والی اشیاءپر اضافی25 فیصد ٹیرف عائد کیا ہے، اس اقدام سے ٹیکسٹائل، سمندری مصنوعات اور چمڑے کی برآمدات جیسے شعبوں کو سخت نقصان پہنچنے کا خدشہ ہے۔امت شاہ نے مزید کہا کہ امن اور ترقی کے وژن سے، جب بھی قوم کی تاریخ لکھی جائے گی، مودی کی حکومت کے 11 سال سنہری حروف میں لکھے جائیں گے۔
وزراعظم مودی کے 11سالہ دور میں ملک کی معیشت چوتھے مقام پر پہنچی : وزیر داخلہ امت شاہ
