آج وزیر دفاع راجناتھ سنگھ کی چسوتی آمد

سرینگر۔۔۳۲،اگست ۔۔جے کے این ایس ۔۔۔وزیر دفاع راج ناتھ سنگھ یعنی اتوار24اگست کو کشتواڑ ضلع کے پاڈر تحصیل میں چسوتی گاو ں کا دورہ کریں گے، جہاں گزشتہ دنوں بادل پھٹنے سے آئے تباہ کن سیلابی ریلے درجنوں افرادکی ہلاکتوں کا باعث بنے۔ جے کے این ایس کے مطابق وزیر دفاع راج ناتھ سنگھ متاثرہ خاندانوں سے ملاقات کریں گے اور بھارتی فوج کے اہلکاروں سے بھی ملیں گے جو 14 اگست سے جاری بچاو و راحت کارروائیوں میں مصروف ہیں۔ذرائع کے مطابق وزیر دفاع خصوصی ہوائی جہازمیںگلاب گڑھ کے علاقے میں اتریں گے اور وہاں سے گاڑیوں کے ایک قافلے میں تقریباً25 کلومیٹر دور چسوتی گاو ں جائیں گے۔ اس وقت بھارتی فوج، این ڈی آر ایف، ایس ڈی آر ایف، جموں و کشمیر پولیس اور نیم فوجی دستے32 لاپتہ افراد کی تلاش میں مصروف ہیں۔بادل پھٹنے کے نتیجے میں اب تک65 افراد ہلاک اور 115 زخمی ہوئے ہیں جبکہ 32 اب بھی لاپتہ ہیں۔ صرف چسوتی گاو ں میں ہی13 افراد ہلاک ہوئے، جن میں سے 10 کی لاشیں بازیاب کر لی گئیں جبکہ 3 تاحال لاپتہ ہیں۔ اس سانحے کے دوران ایک لنگر (کمیونٹی کچن) اور کئی ڈھانچے بھی پانی کے ریلے میں بہہ گئے۔پاڈر-ناگسینی اسمبلی حلقے میں کے اس گاوں کی اسمبلی میں نمائندگی بی جے پی کے اپوزیشن لیڈر سنیل شرما کر رہے ہیں۔ وہ سانحے کے پہلے دن سے ہی علاقے میں موجود ہیں اور راحتی سرگرمیوں کی نگرانی کر رہے ہیں۔ سانحے کے بعد مقامی انتظامیہ کے علاوہ جموں کشمیر کے وزیر اعلیٰ عمر عبداللہ سمیت دیگر کئی لیڈران نے بھی علاقے کا دورہ کیا۔