شوپیان//انفو// کمشنر سیکرٹری سماجی بہبود شیتل نندا نے آج شوپیان کا دورہ کیا اوروزارتِ وومن اینڈ چائلڈ ڈیولپمنٹ کے تحت قائم پرانے ڈی سی آفس کمپلیکس شوپیان میں چائلڈ کیئر اِنسٹی چیوٹ ،خواتین کے وَن سٹاپ سینٹر کا اِفتتاح کیا۔اِفتتاح کے موقعہ پر ضلع ترقیاتی کمشنر شوپیاں سچن کمار واشیا ، مشن ڈائریکٹر آئی سی پی ایس ہرویندر کور ،ایڈیشنل ضلع ترقیاتی کمشنر شوپیان منظور حسین ، ضلع سوشل ویلفیئر آفیسر شوپیان شوکت احمد اور دیگر متعلقہ اَفسران اور متعلقین موجود تھے۔
اِفتتاحی تقریب میں کمشنر سیکرٹری نے ہمارے معاشرے کے بہتر مستقبل کے لئے لڑکیوں کو اَچھی اور بہتر معیاری تعلیم فراہم کرنے کی اہمیت پر روشنی ڈالی اور اُنہوں نے کہا کہ یہ دیرپا اور پائیدار ترقی کے حصول کے لئے اِنتہائی اہم اقدامات میں سے ایک ہے ۔کمشنر سیکرٹری نے کہا کہ ہمیں ہمیشہ اِس بات کو یقینی بنانا چاہئے کہ ہم طلباء کو معیاری تعلیم فراہم کریں اور اِن لوگوں کی حفاظت اور حفاظت کے لئے اقدامات کریں جنہیں اس کی ضرورت ہے ۔
اُنہوں نے شوپیان کے لوگوں سے بھی درخواست کی کہ وہ نئے قائم ہونے والے اِداروں کی دیکھ ریکھ میں مدد کریں۔شیتل نندا نے کہا کہ وومن اینڈ چائلڈ ڈیولپمنٹ کے ساتھ سماجی بہبود اور قبائلی امور بچوں ، مائوں اور بچوں ، نوجوانوں ، بوڑھوں ، جسمانی طور خاص اَفراد اور قبائلی لوگوں کی ترقی اور تحفظ کے لئے مسلسل انتھک کام کر رہے ہیں ۔اُنہوں نے محکمہ سماجی بہبود کی تعریف کی۔اِس موقعہ پرمحکمہ سماجی بہبود کے اَفسران اور ملازمین بھی موجود تھے۔
