سری نگر:۵،ستمبر/ جے کے این ایس /وزیر اعظم نریندر مودی نے جمعہ کو میلاد النبیﷺ کے موقع پر اپنی نیک خواہشات کا اظہار کیا، جونبی آخر الزمان حضرت محمدﷺ کی یوم پیدائش کی یاد میںمنایاجاتا ہے۔جے کے این ایس کے مطابق وزیر اعظم مودی نے ایکس پراپنے مبارکبادی کے پیغام میں کہاکہ یہ مقدس دن ہمارے معاشرے میں امن اور بھلائی ،ہمدردی، خدمت اور انصاف کی اقدارلے کر آئے۔جموں وکشمیر کے نے عید میلاد النبی صلی اللہ علیہ وسلم کے موقع پر لوگوں کو پرتپاک مبارکباد پیش کی۔ ایکس پراپنے مبارکبادی کے پیغام میں لیفٹیننٹ گورنر منوج سنہا نے شہریوں کو اپنی نیک خواہشات کا اظہار کرتے ہوئے ان پر زور دیا کہ وہ پیغمبر اسلام (ﷺ) کی عظیم تعلیمات سے تحریک حاصل کریں۔ایل جی کے دفتر نے لکھا کہ نبی محمدﷺ کی زندگی نسلوں کو ہمدردی، مہربانی اور بے لوثی کی طرف ترغیب دیتی ہے۔پوسٹ میں مزید لکھاہے کہ حضرت محمد ﷺ کا ابدی پیغام معاشرے میں اتحاد، بھائی چارے اور امن کو مضبوط کرے۔ عید مبارک!۔
وزیراعظم مودی اورلیفٹیننٹ گورنر منوج سنہا کی قوم کو مبارکباد
