کچھ ”ملک دشمن “اپنے ذاتی مفادات کیلئے سماج کو تقسیم کرنے کی کوشش میں /وزیر اعظم مودی

سرینگر…04نومبر……. سی این آئی ….کچھ ”ملک دشمن “اپنے ذاتی مفادات کے لیے سماج کو تقسیم کرنے کی کوشش کر رہے ہیں اور لوگوں کو ان کے ارادوں کی سنگینی کو سمجھنے اور انہیں شکست دینے کیلئے متحد ہونے کی ضرورت ہے کی بات کرتے ہوئے وزیر اعظم نریندر مودی نے کہا کہ سال 2047 تک ہندوستان کو ایک ترقی یافتہ ملک بنانے کیلئے اتحاد اور سالمیت اہم ہے ۔ اسی دوران انہوں نے اعلان کیا کہ بہار میں این ڈی اے ریکارڈ جیت حاصل کرے گا اور لوگوں کو جنگل راج سے نجارت ملے گی ۔ سی این آئی کے مطابق بہار میں چناوی مہم کے آخری دن ریلیوں سے خطاب کر تے ہوئے وزیر اعظم نریندر مودی نے کہا کہ بہار کے لوگوں نے اس بات کو یقینی بنانے کیلئے اپنا ذہن بنا لیا ہے کہ این ڈی اے گزشتہ 20 سالوں میں اپنی جیت کے پیمانے کے ریکارڈ کو توڑ دے، جب کہ جنگل راج کے لوگ”کو ریاست میں ہوسٹنگ میں اپنی بدترین شکست کا سامنا کرنا پڑے گا۔وزیر اعظم نے کہا”میں انتخابات کا قریب سے مشاہدہ کر رہا ہوں اور اس بات کی تصدیق ہوئی ہے کہ این ڈی اے جیت رہی ہے اور وہ بڑی جیت رہی ہے۔ اس لیے میرے پاس جیت کے بارے میں کوئی سوال نہیں ہے لیکن (میں چاہتا ہوں) زیادہ سے زیادہ پولنگ ہونی چاہیے۔ “ بی جے پی کے ایک کارکن سے بات چیت کرتے ہوئے جس نے کہا کہ لوگوں میں این ڈی اے کے لیے زبردست جوش و خروش ہے، مودی نے کہا کہ ان کے الفاظ غریبوں، دلتوں، مہا دلتوں، پسماندہ اور انتہائی پسماندہ لوگوں میں پائے جانے والے احساس کی بازگشت ہیں۔انہوں نے کہا”بہار کے لوگوں نے گزشتہ 20 سالوں میں این ڈی اے کی جیت کے پیمانے کے ریکارڈ کو توڑنے کا ارادہ کر لیا ہے۔ “ ریلی سے خطاب کرتے ہوئے وزیر اعظم نریندر مودی نے کہا کہ سال 2047تک ہندوستان کو ایک ترقی یافتہ ملک بنانے کے لیے شہریوں کے درمیان اتحاد اور ملک کی سالمیت ضروری ہے۔ لیکن بدقسمتی سے کچھ لوگ اپنے مفادات کی وجہ سے ہمارے معاشرے کو ذات پات، مذہبی، لسانی، مرد و خواتین، گاو¿ں شہر کی بنیاد پر تقسیم کرنے کی کوشش کر رہے ہیں۔خطاب میں کہا کہ ہمیں ان ملک دشمنوں کے عزائم کی سنگینی کو سمجھنا ہوگا اور انہیں شکست دینے کے لیے متحد ہونا پڑے گا۔وزیر اعظم مودی نے کہا کہ ہندوستان کو ایک ترقی یافتہ ملک بنانے کا پہلا کلیدی قدم ”آتم نر بھر بھارت “ ہے۔