وندے ماترم محض الفاظ کا مجموعہ نہیں ،یہ ہندوستان کی روح کی آواز /امیت شاہ

سرینگر…..07نومبر… سی این آئی …..انگریزی حکومت کے خلاف ”’وندے ماترم “ نے قوم کو متحد کیا اور آزادی کے شعور کو مضبوط کیا کی بات کرتے ہوئے وزیر داخلہ امیت شاہ نے کہا کہ اس نے انقلابیوں میں مادر وطن کے لیے غیر متزلزل لگن، فخر اور قربانی کا جذبہ بیدار کیا۔ سی این آئی کے مطابق وزیر داخلہ امیت شاہ نے کہا کہ ”وندے ماترم “ملک کے لوگوں کے دلوں میں قوم پرستی کی لازوال شعلہ جلا رہا ہے اور آج بھی نوجوانوں میں اتحاد، حب الوطنی اور نئی توانائی کا ذریعہ ہے۔ایکس پر ایک پوسٹ میں امیت شاہ نے لکھا ” 7 نومبر 2025 سے 7 نومبر 2026 تک ہندوستان کے قومی گیت ”وندے ماترم“کی تخلیق کی 150 ویں سالگرہ کی سال بھر کی یادگار کے موقع ایک پیغام میں شاہ نے کہا کہ یہ گانا محض الفاظ کا مجموعہ نہیں ہے، یہ ہندوستان کی روح کی آواز ہے“۔انہوں نے لکھا ” انگریزی حکومت کے خلاف’وندے ماترم‘نے قوم کو متحد کیا اور آزادی کے شعور کو مضبوط کیا۔ ساتھ ہی اس نے انقلابیوں میں مادر وطن کے لیے غیر متزلزل لگن، فخر اور قربانی کا جذبہ بیدار کیا۔ “ انہوں نے کہا کہ یہ ملک کے لوگوں کے دلوں میں قوم پرستی کے ابدی شعلے کو بھڑکا رہا ہے اور آج بھی نوجوانوں میں اتحاد، حب الوطنی اور نئی توانائی کا ذریعہ ہے۔شاہ نے کہا ” ہمارا قومی گانا اس سال 150 سال کا ہو رہا ہے،جیسا کہ انہوں نے شہریوں پر زور دیا کہ وہ اپنے خاندان کے افراد کے ساتھ مل کر اس گانے کی یاد منائیں، تاکہ یہ آنے والی نسلوں کے لیے تحریک کا مرکز رہے“۔