سری نگر۔۔۔انفو۔۔۔۔۔۔محکمہ ہینڈی کرافٹس و ہینڈ لوم اپنے بھرپور ’ اَپنے کاریگروں کو جانیں‘ مہم کو جاری رکھتے ہوئے تین روزہ ’آرٹیزن کارنیول‘ کی میزبانی کرنے کے لئے تیار ہے جو وادی¿ کشمیر کی لازوال دستکاریوں اور ثقافتی ورثے کا رنگا رنگ جشن ہوگا۔ یہ کارنیول چناروں سے ڈھکے شیر کشمیر پارک سری نگر میں 20 سے 22 نومبر تک منعقد ہوگا۔’سول فل کشمیر‘ برانڈنگ اقدام کے تحت ہونے والے اس اہم تین روزہ ایونٹ میں وادی بھر سے زائد اَز30 ماسٹر آرٹسٹ حصہ لیں گے جو کشمیری ہینڈی کرافٹس اور ہینڈلوم کی بہترین مصنوعات ایک ہی چھت کے نیچے پیش کریں گے۔محکمہ ہینڈی کرافٹس و ہینڈ لوم کشمیر کے ترجمان نے ایک پریس بیان میں کہا کہ زائرین کو کشمیری کاریگروں کے ’سنہری ہاتھوں‘ سے تیار کردہ منفرد دستکاری اور ہینڈلوم مصنوعات دیکھنے کو ملیں گی جن میں شلپ گرو، پدم شری ایوارڈ یافتگان اور نیشنل و یو ٹی ایوارڈ یافتہ فنکار شامل ہیں۔اُنہوں نے کہا کہ سوزنی اور کریول کڑھائی، پشمینہ و کانی بُنائی، پیپر ماشی ، تانبہ کاری (کندکاری)، وِلو ورک، ٹویڈ سازی جیسے روایتی فنون کے لائیو ڈیموز پیش کئے جائیں گے۔اُنہوں نے مزید کہا کہ ’میٹ دی ماسٹرز‘ کے اِستفساری سیشن بھی ایونٹ کی ایک اور خاص بات ہوگی۔آرٹیزن کارنیول دراصل بڑے پیمانے پر جاری ’سول فل کشمیر‘ مہم کا حصہ ہے جس کا مقصد وادی کے قدیم و لازوال دستکاری ورثے کو زندہ رکھنا، فروغ دینا اور ہنرمندوں کو دیرپا مارکیٹ مواقع فراہم کرنا ہے۔اُنہوں نے مزید کہا، ”کشمیر کی دستکاریاں صرف مصنوعات نہیںبلکہ سنہری ہاتھوں سے بنی ہوئی صدیوں پرانی داستانیں ہیں۔ یہ کارنیول اُن کاریگروں کو ہماراخراجِ تحسین ہے جو آج بھی ان روایات کو زندہ رکھے ہوئے ہیں اور تمام فنونِ لطیفہ کے شائقین کو کشمیر کی اصل روح کو جاننے کی دعوت ہے۔“
ہینڈی کرافٹس محکمہ 20 نومبر سے سری نگر میں تین روزہ آرٹیزن کارنیول کا اِنعقاد کرے گا
