نئی دہلی/24نومبر /انفو/ 44ویں اِنڈیا اِنٹرنیشنل ٹریڈ فیئر (آئی آئی ٹی ایف)۔ 2025 میں جموں و کشمیر پویلین میں آج اس وقت جوش و خروش کا ماحول تھا جب وہاں جموں و کشمیر ڈے نہایت شان و شوکت سے منایا گیا۔ تقریب میں معزز مہمانوں نے شرکت کی اور دِلکش ثقافتی پرفارمنس پیش کی گئی جس نے خطے کے بھرپور خوبصورتی کو اُجاگر کیا۔پویلین میں منعقدہ تقریب نے سینئر افسران اور نمائندگان کواِکٹھاکیا جنہوں نے اِس موقعہ کو فخر اور بھرپور جوش کے ساتھ منایا۔اِفتتاحی خطاب کے دوران منیجنگ ڈائریکٹر جے کے ٹی پی اوسدرشن کمار نے جموں و کشمیر کی منفرد ثقافتی و معاشی عظمت کو اُجاگر کیا۔ اُنہوں نے ثقافتی ورثے اور تجارت میں نمایاں شراکت کے لئے خطے کے کاریگروں اور کاروباری اَفراد کی سراہنا کی۔یہ بات نوٹ کی گئی کہ جموں و کشمیر پویلین مستند دست کاری اور کاروباری جذبے کی علامت ہے۔ آنے والے مہمانوں خطے کے خزانوں کا تجربہ کرنے کی ترغیب دی گئی جس میں عالمی شہرت یافتہ دستکاری، پریمیم ہینڈ لومز اور غیر معمولی زرعی اور باغبانی کی مصنوعات شامل ہیں۔ایف اے،سی اے او جے کے ٹی پی او عمران محمود نے خطے کے شاندارمناظر، قدیم روایات اور گرمجوش مہمان نوازی کو اُجاگر کیا۔ اُنہوں نے اَپنے پیغام میں اس بات پر زور دیا کہ جموں و کشمیر صرف قدرتی حسن کا مرکز نہیں بلکہ سیاحوں، سرمایہ کاروں اور کاروباری شراکت داروں کے لئے اُبھرتے ہوئے مواقع کا گھر بھی ہے اور عوام کو جموں و کشمیر کا دورہ کرنے کی ترغیب دی۔مختلف محکموں اور تنظیموں کی جانب سے مقامی کاریگروں اور نمائش کنندگان کو بااختیار بنانے کی کوششوں کو سراہا گیا۔ یہ بات بھی نمایاں کی گئی کہ گزشتہ برسوں کے 30 نمائش کنندگان کے مقابلے اس سال تعداد بڑھ کر 140 سے زائد ہو جانا مقامی کاروباری طبقے کے بڑھتے ہوئے اعتماد اور امنگوں کا ثبوت ہے۔جے کے ٹی پی او نے تمام شرکا¿، اَفسران اور مہمانوں کا شکریہ ادا کیااور اپنے اس عزم کا اعادہ کیا کہ وہ مقامی ٹیلنٹ کو بااِختیار بنانے، نئی منڈیوں تک رسائی فراہم کرنے اور جموں و کشمیر کے بہترین ورثے کو وسیع تر پلیٹ فارمز پر پیش کرنے کے لئے کوشاں رہیں گے۔تقریب میں دل موہ لینے والے ثقافتی پروگرام بھی شامل تھے جن میں ڈوگری اور کشمیری لوک رقص و موسیقی پیش کی گئی جس نے خطے کی لسانی و ثقافتی رنگا رنگی کو خوبصورتی سے پیش کیا۔پویلین میں 140 سے زائد نمائش کنندگان شامل تھے جن میں خواتین کاروباری،جسمانی طور خاص کاروباری مالکان اور کوآپریٹیو سوسائٹیز بھی شامل تھیں۔ انہوں نے مختلف مصنوعات پیش کیں جن میں جی آئی ٹیگ شدہ زعفران، پشمینہ شالیں، کانی شالیں، سوزنی کڑھائی،بسوہلی مصوری ، کشمیری قالین اور پیپر ماشی کی دستکاریاں شامل تھیں۔
اِنڈیا اِنٹرنیشنل ٹریڈ فیئر ۔2025 میں جموںوکشمیر ڈے کا اِفتتاح ورثے اور کاروباری جذبے کی تقریب
