سرینگر….26نومبر ….سی این آئی ….جموں کشمیر سے دفعہ 370 کی تنسیخ نے ایک رکاوٹ کو ہٹا دیا جو ملک کے مجموعی سیاسی انضمام میں رکاوٹ تھی کی بات کرتے ہوئے صدر جمہویہ ہند درپدی مومر نے کہا کہ ناری شکتی بندھن ایکٹ خواتین کی قیادت میں ترقی کے ایک نئے دور کا آغاز کرے گا۔ سی این آئی کے مطابق صدر دروپدی مرمو نے سمودھان سدن میں 75ویں یوم آئین کی تقریب کی قیادت کی، جس میں ہندوستان کے آئین کو اپنانے کی 76ویں سالگرہ منائی گئی۔ تقریبات کے دوران، صدر نے نو اضافی ہندوستانی زبانوں میں آئین کے ڈیجیٹل ایڈیشن بھی لانچ کیے، جن میں پہلے کشمیری اور بوڈو ایڈیشن بھی شامل ہیں۔پرانی پارلیمنٹ کی عمارت کے سنٹرل ہال میں یوم دستور کی تقریب سے خطاب کرتے ہوئے صدر جمہوریہ ہند در پدی مرمو نے کہا کہ ہندوستان دنیا کے سامنے ترقی کا ایک نیا ماڈل پیش کر رہا ہے۔ انہوں نے کہا ” ہمارے آئین بنانے والے چاہتے تھے کہ ہمارے ذاتی، جمہوری حقوق کا ہمیشہ تحفظ کیا جائے۔ آئین نوآبادیاتی ذہنیت سے بچنے اور قوم پرستانہ سوچ کو اپنانے کیلئے ایک رہنما دستاویز ہے“۔اپنی تقریر میں صدر مرمو نے آئین کے معماروں کے مستقل ارادے، ملک کی سماجی اور سیاسی پیش رفت اور حکومت کے حالیہ پالیسی فیصلوں پر روشنی ڈالی۔حالیہ برسوں میں ملک کی ترقی کی طرف اشارہ کرتے ہوئے صدر مرمو نے کہا”تین طلاق سے جڑی سماجی برائی کو روک کر، پارلیمنٹ نے ہماری بہنوں اور بیٹیوں کو بااختیار بنانے اور سماجی انصاف کی طرف تاریخی قدم اٹھایا ہے“ ۔انہو ں نے مزید کہا ”گڈس اینڈ سروسز ٹیکس، آزادی کے بعد سب سے بڑی ٹیکس اصلاحات، ملک کے معاشی انضمام کو فروغ دینے کے لیے لاگو کیا گیا تھا۔ دفعہ 370 کی تنسیخ نے ایک رکاوٹ کو ہٹا دیا جو ملک کے مجموعی سیاسی انضمام میں رکاوٹ تھی۔ ناری شکتی بندھن ایکٹ خواتین کی قیادت میں ترقی کے ایک نئے دور کا آغاز کرے گا۔ “ صدر مرمو، نائب صدر سی پی رادھا کرشنن، وزیر اعظم نریندر مودی، لوک سبھا اسپیکر اوم برلا، راجیہ سبھا ایل او پی ملکارجن کھرگے اور لوک سبھا ایل او پی راہول گاندھی سمیت سینئر لیڈروں نے بھی اس تقریب میں شرکت کی اور یادگاری کے حصے کے طور پر بلند آواز سے تمہید پڑھی۔
دفعہ 370 کی تنسیخ نے ملک کے سیاسی انضمام میں بڑی رکاوٹ ختم کردی / در پدی مرمو
