Saturday, June 27, 2026
No Result
View All Result
No Result
View All Result
No Result
View All Result

Region
Region

باہری لوگوںکو جموں وکشمیرمیںزمین دینے کاشوشہ بے بنیاد/منوج سنہا بارہمولہ۵۱،جولائیجے کے این ایس جموں و کشمیر کے لیفٹیننٹ گورنر منوج سنہا نے ہفتہ کو یہ واضح کیاکہ پردھان منتری کی آواس یوجنا (PMAY) کے تحت کسی بھی بیرونی یاغیرمقامی باشندے کوکوجموں وکشمیرمیں زمین نہیں دی جا رہی ہے۔انہوںنے کہاکہ اس قسم کاشوشہ مکمل طور پر بے بنیاد ہے اوریہ اُن لوگوںکی کارستانی ہے ،جو غریبوں اور پسماندہ طبقوںکی فلاح وبہبود سے خوش نہیں ہیں اور نہیں چاہتے کہ غریبوںکو بدلاﺅ کافائدہ ملے ۔لیفٹنٹ گورنر کاکہناتھاکہ غیر قانونی طور پر ریاستی زمین پر قبضہ کرنے والوں کو لوگوں کو گمراہ کرنا بند کرنا چاہئے۔جے کے این ایس کے مطابق لیفٹنٹ گورنر منوج سنہا نے ہفتہ کواعلیٰ حکام کے ہمراہ بارہمولہ کادورہ کیا ۔موصوف نے یہاں تاریخی شیروانی ہال میں سینماگھر کاافتتاح کیا۔اس موقعہ پر لیفٹنٹ گورنر منوج سنہا کے ہمراہ انتظامی سیکرٹری محکمہ قبائلی امور شاہداقبال چودھری ،ڈپٹی کمشنر بارہمولہ ڈاکٹر سحرش اصغر ،چیئرپرسن بی ڈی سی بارہمولہ سفینہ بیگ اور اعلیٰ پولیس وسیول حکام بھی تھے ۔قابل ذکر ہے کہ 1990میں شورش شروع ہونے سے پہلے بارہمولہ قصبہ میں 2سینما گھر موجود تھے ،جن میں سے ایک سینما گھر ،شیروانی ہال کے متصل تھا،جسکا نام Regina Cinamaتھا جبکہ دوسرا سینما گھر فوج کی جانب سے GMCبارہمولہ کے قریب تھا،اوراس کانام Daggerسینما گھر تھا۔شیروانی ہال میں سینما گھر کاافتتاح ہونے کامطلب ہے کہ بارہمولہ میں 33سال بعد سینما ہال کھل گیاہے ۔اُدھر بارہمولہ پہنچنے کے بعدلیفٹیننٹ گورنر منوج سنہا نے ڈاک بنگلہ بارہمولہ میں حکام کی ایک اعلیٰ سطحی میٹنگ کی صدارت کی ،اوراس موقعہ پرانہوںنے کپوارہ میں سینما گھر اورشمالی کشمیرمیں کئی ترقیاتی پروجیکٹوں اور کاموںکاسنگ بنیاد رکھا اور کچھ ایک کاافتتاح بھی کیا۔ ڈاک بنگلہ بارہمولہ میں ایک تقریب سے خطاب کرتے ہوئے لیفٹیننٹ گورنر منوج سنہا نے کہا کہ بہت سے لوگ ان کے پاس یہ کہتے ہوئے آئے کہ وہPMAY کے اہل ہیں لیکن ان کے پاس مکان بنانے کیلئے زمین نہیں ہے۔انہوںنے کہاکہ لہٰذا انتظامیہ نے اس معاملے کا جائزہ لیا اور ایسے بے گھر وبے زمین خاندانوں کو PMAY(جی) کے تحت 5 ملیر اراضی دینے کا فیصلہ کیا تاکہ وہ اپنے گھر تعمیر کر سکیں۔ لیفٹیننٹ گورنر منوج سنہا نے کہاکہ بے گھر خاندانوں کے لئے اب تک ایک لاکھ99ہزار500 مکانات کی منظوری دی گئی ہے۔ انہوں نے کہاکہ منظور شدہ مکانات میں 46000شیڈولڈ کاسٹ اورشیڈولڈ ٹرائب امرے میں آنے والے خاندان شامل ہیں جو اس اسکیم یعنی پردھان منتری کی آواس یوجنا کےلئے اہل تھے۔لیفٹنٹ گورنر نے کہاکہ اس کے علاوہ2711 ایسے خاندان شامل ہیں جن کے پاس زمین نہیں تھی۔ جموں و کشمیر کے لیفٹیننٹ گورنر منوج سنہا نے کہاکہ بدقسمتی سے، کچھ لوگ یہ دعویٰ کر کے لوگوں کو گمراہ کر رہے ہیں کہ زمین باہر کے لوگوں کو دی جا رہی ہے۔ انہوںنے واضح کیاکہ جموں و کشمیر میں کسی باہری یاغیرمقامی باشندے کو زمین نہیں دی جارہی ہے۔کسی سیاسی جماعت یا لیڈر کا نام لئے بغیر،لیفٹیننٹ گورنر منوج سنہا نے کہا کہ جنہوں نے سرکاری اراضی پر قبضہ کیا اور اپنے پیسوں سے بڑے گھر تعمیرکئے، وہ لوگوں کو گمراہ کرنا بند کریں۔انہوں نے کہاکہ ان لوگوں کو ابہام پیدا کرنا بند کرنا چاہیے۔لیفٹیننٹ گورنر منوج سنہاکاکہناتھاکہ میں اس طرف نہیں جاو¿ں گا کہ ان کے پاس غیر قانونی طور پر قبضہ شدہ سرکاری اراضی پر بڑے محلات بنانے کے لیے پیسے کہاں سے آئے۔لیفٹنٹ گورنر منوج سنہا نے کہاکہ بے زمینوں کے لیے زمین اور پی ایم اے وائی کے تحت ایک پکا مکان ہزاروں خاندانوں کی مکمل صلاحیتوں کو اجاگر کرے گا اور ان کی بنیادی ضروریات کو پورا کرے گا۔انہوںنے کہاکہ حکومت قطار میں موجود آخری شخص کو بااختیار بنانا چاہتی ہے اور میں ان خاندانوں کو یقین دلانا چاہتا ہوں کہ ایک امید افزا مستقبل آپ کا منتظر ہے۔لیفٹنٹ گورنر منوج سنہا نے کہاکہ جموں و کشمیر میں70 سالوں سے پروان چڑھنے والے غیر اخلاقی گٹھ جوڑ کو منظم طریقے سے ختم کیا جا رہا ہے۔ اس نے بعض بااثر لوگوں میں خوف و ہراس پھیلا دیا ہے اور بہت سے مفادات رکھنے والے جموں و کشمیر کی ترقی کو متاثر کرنے کی کوشش کر رہے ہیں لیکن بدعنوانوں کے خلاف سخت کارروائی جاری رہے گی۔دریں اثناءلیفٹنٹ گورنر منوج سنہا نے مقبول شیروانی ہال، بارہمولہ میں ایک کثیر مقصدی100 نشستوں والے سنیما ہال کا بھی افتتاح کیا۔ انہوں نے کہا کہ 30 سال کے وقفے کے بعد بارہمولہ کو100 سیٹوں والا سنیما ہال ملا ہے۔ انہوں نے کہاکہ مقبول شیروانی ہال بارہمولہ میں یہ سینماگھر نہ صرف تفریح کا ذریعہ ہوگا بلکہ ان نوجوانوں کےلئے سیکھنے کا ایک بہترین ذریعہ بھی ہوگا جو تعلیم، ٹیکنالوجی اور فن میں مہارت حاصل کرنا چاہتے ہیں۔جموں و کشمیر میں امن قائم کرنے کے لیے لوگوں کے تعاون کی تلاش کرتے ہوئے،لیفٹیننٹ گورنر منوج سنہا نے کہا کہ سیکورٹی فورسز اور پولیس بہت اچھا کام کر رہے ہیں لیکن یہ ہر ایک شہری کی اجتماعی ذمہ داری ہے کہ وہ جموں و کشمیر میں قیام امن میں اپنا حصہ ڈالے۔لیفٹیننٹ گورنر منوج سنہا نے کہا کہ وہ جموں و کشمیر کو خوشحال بنانے کے حوالے سے تمام تجاویز کے لیے تیار ہیں۔ لیکن اگر سیاسی مشورے ہیں تو مجھے ماضی میں دلچسپی نہیں تھی اور نہ ہی مستقبل میں ان میں دلچسپی ہو گی۔

by Indian Times
16/07/2023

باہری لوگوںکو جموں وکشمیرمیںزمین دینے کاشوشہ بے بنیاد/منوج سنہا بارہمولہ۔۔۵۱،جولائی۔۔۔جے کے این ایس۔۔۔۔ جموں و کشمیر کے لیفٹیننٹ گورنر منوج...

Read more
Page 145 of 246 1 … 144 145 146 … 246
Plugin Install : Widget Tab Post needs JNews - View Counter to be installed
  • Trending
  • Comments
  • Latest
No Result
View All Result

© Indian Times - Designed by GITS