معاشرے کی طاقت سب سے بڑی طاقت /وزیراعظم نریندر مودی

معاشرے کی طاقت سب سے بڑی طاقت /وزیراعظم نریندر مودی
سری نگر….30ستمبر… کے این ایس…….وزیر اعظم نریندر مودی نے ہفتہ کے روز کہا کہ خواہش مند بلاک پروگرام (ADP) 112 ہندوستانی اضلاع میں 25 کروڑ سے زیادہ لوگوں کی زندگیوں کو تبدیل کرنے والے خواہش مند ضلع پروگرام کی طرح 100 فیصد کامیاب ہوگا۔قومی خبررساں ایجنسی کے مطابق کہ پی ایم مودی نے سنیچر کے روز قومی راجدھانی کے بھارت منڈپم میں ‘سنکلپ سپتاہ’ کے نام سے ملک میں خواہش مند بلاکس کے لئے ایک ہفتہ کےکئے طویل پروگرام کا آغاز کیا۔ وزیراعظم نے کہا کہ “اسپیریشنل اضلاع پروگرام نے ملک کے 112 اضلاع میں 25 کروڑ سے زیادہ لوگوں کی زندگیاں بدل دی ہیں، اس سے معیار زندگی میں تبدیلی آئی ہے اور مجھے یقین ہے کہ جس طرح خواہش مند اضلاع پروگرام نے کامیابی کا مظاہرہ کیا ہے، اسی طرح بلاک پروگرام بھی 100 فیصد کامیاب ہونے والا ہے،“انہوں نے مزید کہا کہ پچھلی انتظامیہ کے برعکس جنہوں نے یکساں ہاو¿سنگ ماڈل کی پیروی کی تھی، ان کی حکومت نے مقامی طور پر حاصل کردہ مواد کے استعمال کو ترجیح دی ہے اور تعمیرات میں مالکان کی طرف سے چلنے والے طریقہ کار کو نافذ کیا ہے جبکہ انہوں نے کہا کہ”بلاک پنچایتیں “اسپیریشنل اضلاع پروگرام “بہت بڑا کردار ادا کرتی ہیں اور نیو انڈیا گورننس میں بڑے پیمانے پر اصلاحات چاہتا ہے۔وزیر اعظم نے مزید کہا کہ ان کی حکومت نے خواہش مند ضلعی پروگرام کے لیے انتہائی آسان حکمت عملی کے ساتھ کام کیا۔ انہوں نے کہا کہ اگر ہم ہمہ جہت اور ہمہ گیر ترقی نہیں کریں گے تو اعداد و شمار اطمینان تو دے سکتے ہیں لیکن بنیادی تبدیلی ممکن نہیں اس لیے ضروری ہے کہ ہم نچلی سطح پر تبدیلیاں لا کر آگے بڑھیں۔ریاستی حکومتوں اور حکومت ہند کے عہدیداروں سے خواہشمند بلاکس کا بھی نوٹس لینے کی اپیل کرتے ہوئے انہوں نے کہا کہ جو لوگ بلاک کے اندر کامیاب ہوتے ہیں ان کا مستقبل بھی روشن ہونا چاہئے تاکہ ان میں کچھ کرنے کا جذبہ پیدا ہو اور “میں تجربے سے کہہ رہا ہوں کہ تبدیلی کے لیے بجٹ کی ضرورت نہیں ہے، اگر ہم اپنے وسائل کے زیادہ سے زیادہ استعمال اور ہم آہنگی پر توجہ دیں تو ہم کسی بھی بلاک کی ترقی کا کام بغیر خرچ کیے انجام دے سکیں گے۔ نریندر مودی کا مزید کہنا تھا کہ ہمیں اس سوچ سے باہر آنا ہوگا کہ حکومت سب کچھ کرے گی، معاشرے کی طاقت سب سے بڑی طاقت ہے۔انہوں نے کہا کہ “میرے تجربے کے مطابق، ان بلاکس یا اضلاع میں نتائج تیزی سے حاصل ہوتے ہیں جہاں معاشرے کو متحد کرنے کی طاقت ہوتی ہے، یہی وجہ ہے کہ آج صفائی کی مہم نے اپنی جگہ بنا لی ہے اور ایسا ماحول بنایا گیا ہے جس میں کوڑا کرکٹ نہ پھینکا جائے۔ 2047 تک ملک کو ترقی یافتہ ملک بنانے پر زور دیتے ہوئے پی ایم مودی نے کہا کہ ترقی یافتہ ملک کے ماڈل کا مطلب یہ نہیں ہے کہ دہلی، ممبئی یا چنئی میں شان و شوکت نظر آئے اور ملک کے گاو¿ں کو پیچھے چھوڑ دیا جائے۔ وزیر اعظم نے کہا کہ ہم 140 کروڑ لوگوں کی تقدیر سنبھالنا چاہتے ہیں اور ان کی زندگیوں میں تبدیلی لانا چاہتے ہیں۔اس بات پر زور دیتے ہوئے کہ بجٹ میں تبدیلی کی ضرورت نہیں ہے، وزیر اعظم نے کہا کہ وسائل کے زیادہ سے زیادہ استعمال پر توجہ مرکوز کی جانی چاہئے اور اس کے ساتھ ساتھ ہم آہنگی پر بھی توجہ ہونا چاہئے تاکہ کسی بھی بلاک کے لئے بغیر کسی اضافی رقم خرچ کیے ترقی کے کام کو انجام دیا جاسکے۔انہوں نے کہا کہ “اگر توجہ اچھی حکمرانی کی بنیادی چیز پر رہتی ہے، تو چیلنجنگ اہداف بھی حاصل کیے جا سکتے ہیں”.جی 20 سربراہی اجلاس کی کامیابی پر بات کرتے ہوئے پی ایم مودی نے کہا کہ بھارت منڈپم، جہاں عالمی رہنما عالمی مسائل پر تبادلہ خیال کرنے کے لیےجمع ہوئے تھے اب ایسے افراد کی میزبانی کر رہا ہے جو نچلی سطح پر تبدیلیاں لاتے ہیںجبکہ انہوں نے مزید کہا کہ میرے لیے یہ سربراہی اجلاس جی 20 سربراہی اجلاس کی طرح اہم ہے۔وزیراعظم مودی نے اسپیریشنل بلاکس پروگرام “پورٹل” کا آغاز کیا اور اس موقع پر لگائی گئی نمائش کا بھی افتتاح کیا۔واضح رہے کہ وزیر اعظم نے اس سال 7 جنوری کو ملک گیر پروگرام کا آغاز کیا اور اس پروگرام کا مقصد شہریوں کے معیار زندگی کو بڑھانے کے لیے بلاک کی سطح پر حکمرانی کو بہتر بنانا تھا اوراسے ملک کے 329 اضلاع کے 500 خواہش مند بلاکس میں لاگو کیا جا رہا ہے۔’سنکلپ سپتاہ‘ تمام 500اسپیریشنل بلاکس میں منایا جائے گا،3 اکتوبر سے 9 اکتوبر تک ہفتہ کے دوران ہر دن ایک مخصوص ترقیاتی تھیم کے لیے وقف ہے جس پر تمام طرح کے بلاکس کام کریں گے جبکہ ہفتے کے آخری دن 9 اکتوبر کو پورے ہفتے کے دوران کئے گئے کام کا جشن ’سنکلپ سپتاہ – سماویش سمروہ کے بطور منایا جائے گا۔