جموں…..انفو… چیف جسٹس جموں وکشمیر او رلداخ ہائی کورٹ و سرپرست جے اینڈ کے جوڈیشل اکیڈیمی جسٹس ارون پلی کی سرپرستی میں او رجموںوکشمیر جوڈیشل اکیڈیمی کی گورننگ کمیٹی کی چیئرپرسن اورممبران کی رہنمائی میں جے اینڈ کے جوڈیشل اکیڈیمی نے لداخ یوٹی کے لیگل اسسٹنٹوں کے لئے دو ہفتوں پر مشتمل تربیتی کورس شروع کیا۔اِس پروگرام کا مقصد لداخ یو ٹی اِنتظامیہ کے مختلف محکموں میں کام کرنے والے اَفسران کی قانونی سمجھ، اِنتظامی صلاحیت اور پیشہ ورانہ قابلیت کو مضبوط بنانا ہے۔ یہ تربیتی پروگرام یکم دسمبر سے 12 دسمبر 2025ءتک اکیڈیمی جموں میں منعقد کیا جا رہا ہے۔ٹریننگ کے اِفتتاحی دِن میں نامور ماہرین تعلیم اور قانونی ماہرین کی قیادت میں ایک بامقصد، باہمی اور بصیرت افروز علمی سیشن منعقد کیا گیا۔پہلا سیشن سابق سربراہ شعبہ قانون ، ڈین فیکلٹی آف لا¿ اورسابق سٹیٹ اِنفارمیشن کمشنر جموں و کشمیرپروفیسر ایس کے شرما نے لیا۔ اُنہوں نے آئینی نظامِ حکومت اور یو ٹی اِنتظامیہ کے کردار پر تفصیلی گفتگو کی۔ اُنہوں نے بھارتی آئینی اصولوں کی بنیادیں اُجاگر کیں اور اِنتظامی اَفسران کی آئینی ذِمہ داریوں پر روشنی ڈالی۔ اُنہوں نے سرکاری اِنتظامی معاملات میں اخلاقی طرزِ حکمرانی اور قانونی تعمیل پر زور دیا۔دوسرے سیشن کی قیادت سابق ڈائریکٹر دی لا¿سکول جموں یونیورسٹی پروفیسر سنجے گپتا نے کی جنہوں نے اختیارات کی تقسیم، قانون کی حکمرانی اور لا¿ اَفسران کے فرائض و کردار پر لیکچر دیا۔ اُنہوں نے مو¿ثر قانونی جانچ پڑتال، اِنتظامی نوٹس کی ڈرافٹنگ اور اِنتظامی فیصلوں میں معروضیت اور قانونی حیثیت برقرار رکھنے کی اہمیت پر تفصیلی گفتگو کی۔تیسرا سیشن بھی پروفیسر سنجے گپتا نے لیا جس میں ”لیگل نوٹ کی ڈرافٹنگ“ اور ”اِختیارات کی ٹیلی گیشن پر کیس سٹیڈی“ کے موضوعات پر عملی ورکشاپ شامل تھی۔ شرکا¿ نے عملی مشقوں اور اِستفساری گفتگوکے ذریعے سرکاری قانونی کام میں وضاحت، درستگی اور تجزیاتی صلاحیت کو بہتر بنانے پر توجہ دی۔ڈائریکٹرجموںوکشمیر جوڈیشل اکیڈیمی نصیر احمد ڈار نے لداخ کے لیگل اسسٹنٹوں کے لئے دن بھر جاری رہنے والے تربیتی سیشن کی نظامت کے فرائض اَنجام دئیے۔
جوڈیشنل اکیڈیمی نے لداخ کے لیگل اسسٹنٹوں کیلئے دو ہفتوں پر مشتمل تربیتی کورس شروع کیا
