ڈاکٹر عابد رشید نے این ایچ ایم کا لیاتفصیلی جائیزہ
سرینگر….انفو………..سیکرٹری صحت اور طبی تعلیم ڈاکٹر سید عابد رشید شاہ نے سرینگر میں مشن ڈائریکٹر این ایچ ایم ،جموں و کشمیر کے دفتر میں منعقدہ میٹنگ میں نیشنل ہیلتھ مشن ( این ایچ ایم ) جموں و کشمیر کے کام کاج کا جائیزہ لیا ۔ مشن ڈائریکٹر این ایچ ایم جے اینڈ کے ناظم زئی خان کی طرف سے ایک تفصیلی پرذنٹیشن دی گئی جس میں سیکرٹری صحت کو جموں و کشمیر کے یو ٹی میں این ایچ ایم کے دائرہ کار کے تحت نافظ کئے جانے والے تمام پروگراموں اور اسکیموں کے حوالے سے اہم معلومات اور اہم ڈیٹا کے بارے میں بتایا گیا ۔ میٹنگ کے دوران سیکرٹری نے تمام اہم امور کا جائیزہ لیا اور مشن کے نفاذ کو مزید متحرک اور نتیجہ خیز بنانے کیلئے مختلف اقدامات اور بہتری کو اپنانے کی ہدایت دی ۔ ڈاکٹر عابد رشید نے این ایچ ایم کی ٹیم کو اعداد و شمار کے تنقیدی تجزیہ اور اصلاحی اقدامات کے بعد شواہد پر مبنی اور ڈیٹا پر مبنی منصوبہ بندی اور فیصلہ سازی پر عمل کرنے کی ہدایا ت دیں ، مخصوص اور وقتی کارروائیوں کو ہدف بنائیں ، تمام اخراجات کے یوٹیلائیزیشن سرٹیفکیٹ بروقت جمع کروائیں ، تمام مداخلتوں کے اثرات کا جائیزہ لیں تا کہ اس کے مطابق اصلاحی اقدامات کئے جائیں ۔ پرذنٹیشن کے بعد سیکرٹری صحت نے دونوں ڈویژنوں کے این ایچ ایم جے اینڈ کے کے تمام سینئر افسران اور پروگرام انچارجز سے بات چیت کی ، ان کے متعلقہ پروگراموں کو مزید بہتر بنانے کے لئے ان کی آراءاور معلومات طلب کیں ۔ سیکرٹری صحت نے فلیگ شپ اسکیم کے تحت فراہم کی جانے والی صحت کی دیکھ بھال کی خدمات کو سراہا جبکہ انتظامی محکمہ ایچ اینڈ ایم ای کی طرف سے مکمل تعاون اور ہینڈ ہولڈنگ کا یقین دلایا ۔ ڈائریکٹر پی اینڈ ایس این ایچ ایم ، ایڈیشنل سیکرٹری ایچ اینڈ ایم ای ، اسٹیٹ نوڈل آفیسر این ایچ ایم ، ڈویژنل نوڈل آفیسر کشمیر ، ڈویژنل نوڈل آفیسر جموں اور تمام پروگرام منیجرز اور محکمہ کے افسران میٹنگ کے دوران موجود تھے ۔
ڈاکٹر عابد رشید نے این ایچ ایم کا لیاتفصیلی جائیزہ
