خواتین سیلف ہیلپ گروپس سے کینٹین خدمات چلانے کےلئے شراکت
سری نگرانفوسٹیٹ ٹیکسز محکمہ کشمیر نے اَپنے مرکزی کمپلیکس ایکسائز اینڈ ٹیکسیشن کمپلیکس سولنہ میں کینٹین خدمات کا آغا ز کیا۔ کمشنر سیکرٹری آر ڈی ڈی اینڈ پی آر مندیپ کور نے کینٹین کا اِفتتاح کمشنر سٹیٹ ٹیکسز جے اینڈ کے ڈاکٹر رشمی سنگھ کی موجودگی میںکیا ہے۔سٹیٹ ٹیکسز محکمہ کی طرف سے کینٹین کو چلانے کے لئے بنیادی ڈھانچہ فراہم کیا گیا ہے ۔دیہی ترقی محکمہ کے نیشنل رورل لائیو لی ہڈ مشن کی ” اُمید “ سکیم کے تحت ضلع گاندربل کی مختلف سیلف ہیلپ گروپوںکے آٹھ ممبران کی ایک ٹیم خدمات کا اِنتظام اَنجام دے گی۔ڈاکٹر رشمی سنگھ نے سیلف ہیلپ گروپوں کے اراکین کے ساتھ بات چیت کرتے ہوئے کہا کہ یہ اِشتراک ایک طرف تو اس کے ملازمین کو کمپلیکس کے اندر سستی اور حفظان صحت کے مطابق کھانے کے اِختیارات فراہم کرکے محکمہ کی ضروریات کو پورا کرتا ہے اور دوسری طرف معاشرے کے معاشی طور پر کمزور طبقوں سے تعلق رکھنے والی خواتین کے ذریعے قائم کئے جانے والے مائیکرو اَنٹرپرائزز کو بھی فروغ ملے گا۔یہ بات قابل ذِکر ہے کہ خواتین کے سیلف ہیلپ گروپوں کی شناخت محکمہ آر ڈی ڈی اینڈ پی آر ’اُمید‘ سکیم کے تحت کر رہی ہے اور انہیں پیشہ ورانہ طور پر تربیت دی جارہی ہے تاکہ یہ گروپ پیشہ ورانہ اَنداز میں ذمہ داری کو نبھانے میں پُر اعتماد ہوجائیں ۔ سیلف ہیلپ گروپ کے اَراکین نے بھی پہلی بار سرکاری محکمہ کے ساتھ ہاﺅس کینٹین کا اِنتظام کرنے کا موقعہ ملنے پر خوشی کا اِظہار کیا او ریقین دِلایا کہ وہ معیاری ذائقہ اور حفظان صحت کے مطلوبہ معیارات پر پورا اُتریں گے۔مندیپ کور نے سٹیٹ ٹیکسز محکمہ کے اَفسران کے ساتھ مشن ڈائریکٹر جے اینڈ کے رورل لائیو لی ہڈ مشن کی کوششوں کو بھی سراہا ۔ اُنہوں نے مزیدکہا کہ سٹیٹ ٹیکسز محکمہ میں قائم کی گئی نئی کینٹین دیگر اَضلاع اور سرکاری محکموں میں خواتین سیلف ہیلپ گروپوں سے چلائی جانے والی اِسی طرح کی کینٹینوں کے لئے ایک ماڈل بن جائے گی۔
خواتین سیلف ہیلپ گروپس سے کینٹین خدمات چلانے کےلئے شراکت
