سیکرٹری صحت و طبی تعلیم نے صوبہ جموںمیں ہیلتھ کیئر شعبے کے کام کاج کا لیاجائزہ

سیکرٹری صحت و طبی تعلیم نے صوبہ جموںمیں ہیلتھ کیئر شعبے کے کام کاج کا لیاجائزہ
جموںانفو سیکرٹری صحت و طبی تعلیم بھوپندر کمار نے سول سیکرٹریٹ میں صوبہ جموںمیں صحت شعبے کے کام کاج کا جائزہ لینے کے لئے ایک میٹنگ کی صدارت کی۔میٹنگ میں مختلف اہم کارکردگی پر تبادلہ خیال ہوا او رصوبہ جموں کے تمام چیف میڈیکل اَفسران ، میڈیکل سپر اِنٹنڈنٹوں کو پبلک ہیلتھ ڈلیوری سسٹم کو مجموعی طور پر بہتر بنانے کی ہدایت دی گئی ۔ڈائریکٹر ہیلتھ سروسز جموں سلیم الرحمان نے صحت عامہ کی بہتر فراہمی کو یقینی بنانے کے اقدامات پر روشنی ڈالنے کے علاوہ حصولیابیوں او ررُکاوٹوں کے بارے میں ایک مختصر پرزنٹیشن پیش کی۔سیکرٹری کو ڈائریکٹوریٹ آف ہیلتھ سروسز جموں کی طرف سے کئے گئے مختلف نئے اقدامات سے متعلق جانکاری دی گئی جس میں ’ ’ سیو لائف جموں “چپٹرکے تحت 46ایمرجنسی روموں کی تشکیل او رجموں سکل اینڈ سمولیشن لیبارٹری کا قیام شامل ہے جہا ںجدید ترین بنیادی ڈھانچہ دستیاب ہے ۔ سیکرٹری نے ہیلتھ کیئر کا ایک جامع نظام وضع کرنے کی ضرورت پر زور دیا جس میں تمام خدمات جیسے کہ احتیاطی ، تشخیصی اور علاج معالجے کی خدمات ضرورت مندوں کو فراہم کی جائیں تاکہ صحت سے متعلق اخراجات کو کم سے کم کیا جاسکے ۔اُنہوں نے ہیلتھ مینجمنٹ اِنفارمیشن سسٹم اور اِی ۔ آشدھی کے تحت ادویات کی تقسیم کو سب سینٹر لیول تک بڑھانے کے علاوہ جموںوکشمیر یوٹی کے صحت اِداروں میں نظام کے تمام اجزا¿ کو مو¿ثر طریقے سے نافذ کرنے کے لئے کہا ۔ اُنہوں نے متعلقہ اَفراد کو ہدایت دی کہ تمام اَضلاع سے ڈاکٹروں اور نرسوں کو فالج او رجراثیمی نگہداشت کے بارے میں ضروری تربیت دی جائے ۔ اِس کے علاوہ اُنہوں نے سکل اینڈ سمولیشن سینٹر نگروٹہ میں تربیت فراہم کرنے کے لئے کیلنڈرتیار کرنے کے لئے کہا تاکہ دیگر محکموں کے ملازمین جیسے ٹرانسپورٹ ، سکولوں ، کالجوں ، ائیر لائنز کے عملے اور دیگر متعلقہ اَفراد کو بنیادی زندگی بچانے کی مہارتوں کے بارے میں صلاحیتوں میں اِضافہ کیا جاسکے۔سیکرٹری نے معیاری ہیلتھ کیئر کی خدمات کے بارے میں اَفسران کو ہدایت دی کہ وہ ایسے مزید اِداروں کی نشاندہی کریں جو نیشنل کوالٹی اشورینس سٹینڈرڈ سر ٹیفکیشن کے لئے درخواست دے سکتے ہیں ۔اُنہوں نے ان پر زور دیا کہ وہ بنیادی ڈھانچے کے لئے منظور شدہ فنڈس کو زیادہ سے زیادہ استعمال کرنے کے علاوہ متعلقہ ضلع ترقیاتی کمشنروں کے ساتھ نبارڈ کے ڈی پی آر کی پیروی کو یقینی بنائیں۔میٹنگ میں دیگر متعلقین کے علاوہ جموں صوبہ کے چیف میڈیکل اَفسران اور میڈیکل سپر اِنٹنڈنٹوں نے شرکت کی۔