حکومت کاکہنا کہ اسکے پاس اختیار ات نہیں، شرم کی بات ہے/الطاف بخاری

سری نگر…۵، نومبر..جے کے این ایس …سابق وزیراوراپنی پارٹی کے صدر سیدالطاف بخاری نے بدھ کے روز کہاکہ اگر کوئی حکومت کہے کہ اس کے پاس اختیارات نہیں ہیں تو یہ شرمناک ہے ۔جے کے این ایس کے مطابق اپنی پارٹی کے صدر الطاف بخاری نے بدھ کے روز کہا کہ ان کی پارٹی پہلی بار بڈگام میں الیکشن لڑ رہی ہے اور اسے عوام کی بھرپور حمایت کا یقین ہے۔بڈگام میں صحافیوں سے بات چیت کرتے ہوئے الطاف بخاری نے کہا کہ ہمارے کارکنان اس حلقے کے120 میں سے 20 سے زائد دیہات کا احاطہ کر چکے ہیں اور اللہ کے فضل سے ہمیں اچھے رسپانس کی امید ہے۔حریف پارٹیوں پر طنز کرتے ہوئے سیدالطاف بخاری نے کہا کہ بی جے پی، این سی اور پی ڈی پی نے طویل عرصے سے لوگوں کے جذبات سے کھیلا ہے۔ان کی پالیسیوں یا پروگراموں میں صرف ان کے ناموں میں کوئی حقیقی فرق نہیں ہے۔حکمران جماعت نیشنل کانفرنس کے اختیارات نہ ہونے کے دعوے پر ایک سوال کے جواب میں الطاف بخاری نے کہاکی اگر کوئی حکومت کہتی ہے کہ اس کے پاس کچھ نہیں ہے، تو یہ شرم کی بات ہے۔انہوںنے کہاکہ حکومت کے پاس تمام اختیارات ہوتے ہیں اگر انہیں گورنر کی اجازت کی ضرورت ہو، یہ ان کا مسئلہ ہے۔الطاف بخاری نے کہا کہ یونین ٹریٹری میں گورنر فرائض میں سربراہ ہوتا ہے، اور ریاست کا درجہ ان لوگوں کیلئے کبھی رکاوٹ نہیں ہوتا جو کام کرنا چاہتے ہیں۔