شہری سہولیات کو اَز سر نو بحال کرنے ایک بہترین موقعہ ہے/ میئر سری نگر

شہری سہولیات کو اَز سر نو بحال کرنے ایک بہترین موقعہ ہے/ میئر سری نگر
سری نگر/انفو /سری نگر کے میئر جنید عظیم متو اور پرنسپل سیکرٹری مکانات و شہری ترقیاتی محکمہ دھیرج گپتا نے سری نگر میونسپل کارپوریشن کے زیر اہتمام ” مائی ٹاﺅن مائی پرائیڈ 2.0“ کے تحت ایس کے پارک سری نگر میں مختلف تقریبات اور پروگراموں کا آغاز کیا۔اِس موقعہ پر ضلع ترقیاتی کمشنر سری نگر اعجاز اَسد اور کمشنر سری نگرایس ایم سی اور وی سی ایل سی ایم اے ڈاکٹر بشیر احمد بٹ تقریبات کے آغاز پر موجود تھے۔پرنسپل سیکرٹری دھیرج گپتا نے پروگرام کے دوران کارپوریٹروں ، صف اول کے سرکاری ملازمین ، این جی اوز کے اَرکان او رممتاز شہریوں سے بات چیت کی ۔دھیرج گپتا نے خدمات کے موقعہ پر فراہم کے لئے مختلف محکموں کی جانب سے لگائے گئے تقریباً 30سٹالوں کا بھی معائینہ کیا اور ڈی ایف اربن فارسٹری اور ڈی ایف او ایل سی ایم اے کے ذریعے شروع کی گئی پارک میں شجرکاری مہم کا بھی اِفتتاح کیا۔اِس سے قبل پروگرام کے دوران جنید عظیم متو اور دھیرج گپتا نے مختلف سکیموں کے تحت مستحقین میں خطوط ، چیک اور اَسناد تقسیم کئے ۔پرنسپل سیکرٹری نے گھنٹہ گھر ، پولو ویو ، جہلم بند اے بی سی / اے آر وی سینٹر ٹینگ پورہ اور کمیونٹی سینٹر بٹہ مالو کا بھی دورہ کیا اور ان علاقوں میں جاری منصوبوں کا تفصیلی جائزہ لیا۔بعد میں عوامی خدمات کے پیغام کو عام کرنے کے لئے ایک” نکڑ ناٹک “ کااِنعقاد کیا گیا اور ” نشا مکت“ او ر”بھرشٹ چار مُکت جموںوکشمیر “ پر کھلی بحث کا اہتمام بھی محکمہ یوتھ سروسز ایند سپورٹس جموںوکشمیر نے کیا۔میئر سر ی نگر اور پرنسپل سیکرٹری نے کوٹھی باغ ہائیر سکینڈری سکول بھی دورہ کیا اور حلف برداری کی تقریب کے دوران طلباء، اَساتذاہ اور مدعو معززین کے ساتھ ” نشا مُکت کشمیر “ کا عہد لیا۔حلف برداری کی تقریب کے بعد میئر سری نگر اور پرنسپل سیکرٹری نے سکول میں والی بال میچ اور باسکٹ بال میچ کا اِفتتاح کیا۔اُنہوں نے سمارٹ سٹی کے تحت شروع کئے گئے مختلف پروجیکٹوں کا بھی معائنہ کیا اور گھنٹہ گھر اور ریذیڈنسی روڈ پر سمارٹ سٹی کے تحت تیار کئے جانے والے زیر تعمیر پروجیکٹوں کا بھی جائزہ لیا۔میئر سری نگر اور پرنسپل سیکرٹری کے ہمراہ ضلع ترقیاتی سری نگر اوروائس چیئرمین ایل ایم سی اے نے پریس انکلیو میں پارکنگ کمپلیکس کا بھی دورہ کیا اور کئے گئے کاموں کا تفصیلی جائزہ لیا۔کارپوریشن کی جانب سے شہر بھر کے مختلف مقامات سے بیک وقت دو روزہ پروگرام کا آغاز کیا گیا۔ ان پروگراموں میں متعدد نامزد معززین، مختلف محکموں کے متعلقہ افسران اور عام لوگوں نے شرکت کی۔