سرینگر….05دسمبر…. ایس این این…. وزیر دفاع راجناتھ سنگھ 07دسمبر کو لداخ کا دورہ کرکے لیہہ سے جموں و کشمیر، لداخ اور دیگر ریاستوں میں متعدد پروجیکٹوں کا افتتاح کریں گے۔اس دوران وہ حقیقی کنٹرول لائن کا بھی دورہ کرنے والے ہیں جس دوران وہ سیکورٹی اور آپریشنل تیاریوں کا جائزہ بھی لیں گے ۔ سٹار نیوز نیٹ ورک کے مطابق وزیر دفاع راجناتھ سنگھ 7 دسمبر کو لداخ کے لیہہ ضلع کے شیوک سے جموں و کشمیر اور لداخ سمیت مختلف ریاستوں/مرکز کے زیر انتظام علاقوں میں متعدد پروجیکٹوں کا عملی طور پر افتتاح کریں گے ۔ سڑکوں، پلوں، سرنگوں وغیرہ کے پروجیکٹوں سے آگے کے علاقوں کے ساتھ ساتھ جموں و کشمیر اور لداخ کے دیگر ریاستوں کے علاوہ دور دراز کے دیہاتوں میں رابطے بہتر ہوں گے۔وزیر اعظم کے دفتر (پی ایم او) میں مرکزی وزیر مملکت ڈاکٹر جتیندر سنگھ عملی طور پر چندی گڑھ یا نئی دہلی سے پروجیکٹ کی افتتاحی تقریب میں شامل ہوں گے جہاں وہ بین الاقوامی سائنس کانگریس میں شرکت کریں گے جبکہ لداخ کے لیفٹنٹ گورنر کویندر گپتا وزیر دفاع کے ساتھ شیوک جائیں گے۔عہدیداروں نے کو بتایا کہ راجناتھ سنگھ 7 دسمبر کو صبح 10بجکر 30منٹ پر لداخ کے مرکزی علاقہ میں لیہہ ضلع کے شیوک سے شیوک ٹنل پروجیکٹ کا جسمانی طور پر افتتاح کریں گے۔اس کے ساتھ ہی وہ شیوک سے بارڈر روڈز آرگنائزیشن کے ذریعہ تعمیر کردہ متعدد پروجیکٹوں کا عملی طور پر افتتاح کریں گے۔جموں و کشمیر میں جن کاموں کا افتتاح کیا جائے گا ان میں اوڑی، سلام آباد،کمان پوسٹ روڈ پر گولٹا پل، سرینگر،بارہمو لہ اوڑی روڈ پر نند سنگھ پل، برنوئی پل اور پرانا تلیل پل شامل ہیں۔ ان میں سے زیادہ تر پل اور سڑکیں مرکزی وزیر ڈاکٹر جتیندر سنگھ کے پارلیمانی حلقے میں آتی ہیں۔اس کے علاوہ سڑکوں، پلوں اور سرنگوں سمیت بہت سے منصوبے ہیں جن کا افتتاح وزیر دفاع جموں و کشمیر اور لداخ کے زیر انتظام علاقوں اور دیگر سرحدی ریاستوں میں کریں گے۔راجناتھ سنگھ اپنے لداخ کے دورے کے دوران سنیئر فوجی افسران کے ساتھ چین کے ساتھ لائن آف ایکچوئل کنٹرول (ایل اے سی) کے ساتھ مشرقی لداخ کی صورتحال کا بھی جائزہ لیں گے۔
وزیر دفاع راجناتھ سنگھ کا دورہ لداخ 07دسمبر کو
