” مائی ٹاﺅن مائی پرائیڈ 2.0“ کا دوسرا دِن :پلوامہ میں مختلف سرگرمیاں منعقد
پلوامہ/انفو/” مائی ٹاﺅن ، مائی پرائیڈ“ کا دوسرا مرحلہ پورے پلوامہ میں جاری رہا جس میں ضلع کی تمام 5میونسپلٹیوں میں سرگرمیاںمنعقد کی گئیں اور متعدد سرگرمیوں کا مشاہدہ کیا گیا۔سیکرٹری خاطر تواضع و مہمان نوازی طلعت پرویز روحیلہ نے میونسپل کمیٹی پلوامہ کے وِزٹنگ آفیسر نے ایم سی کے مختلف مقامات کا دورہ کیا اور مختلف سرگرمیوں میں حصہ لیا۔سیکرٹر ی موصوف نے کہا کہ” مائی ٹاﺅن ، مائی پرائیڈ“ کا مقصد عوامی خدمات کو دہلیز پر پہنچانا، لوگوں کے تاثرات، تعاون اور شراکت پر ترقیاتی اَقدامات کی تعمیرکو متحرک اورمضبوط بنانا ہے۔اُنہوں نے اِس بات کا اعادہ کیا کہ اس پروگرام کے دوران اِنتظامیہ عوام کی دہلیز پر خدمات کی فراہمی کو یقینی بنائے گی، عوام کے تاثرات، تعاون اور شرکت سے ترقیاتی اقدامات کی تعمیر اور مضبوط اور متحرک مقامی خود مختاری کو مضبوط بنائے گی۔طلعت پرویز نے پلوامہ کے شہریوں سے اپیل کی کہ وہ ” مائی ٹاﺅن مائی پرائیڈ“ پروگرام کے دوسرے مرحلے میں اپنے ترقیاتی مسائل پر تبادلہ خیال کرنے، رائے دینے اور فیصلہ سازی کے عمل میں حصہ لینے کے لئے شرکت کریں۔اِس موقعہ پر سیکرٹری موصوف طلعت پرویز نے مقامی لوگوں، سول سوسائٹی اور متعلقہ بلدیات کے پی آر آئی نمائندوں سے عوامی مطالبات، شکایات اور دیگر ترقیاتی ضروریات کا جائزہ لینے کے لئے بات چیت کی۔اِس موقعہ پر کمشنر نے مختلف مستحقین میں لینڈ پاس بکس ، عمر کے اَسناد ، گولڈن کارڈ ، ممکن سکیم کے تحت مختلف گاڑیاں ، پی ایم اے وائی چیک اور ” بیٹی بچاﺅ بیٹی پڑھاﺅ‘ ‘ سکیم کے تحت مختلف دیگر فوائد تقسیم کئے ۔طلعت پرویز نے ضلع ترقیاتی کمشنر پلوامہ کے ساتھ محکمہ تعلیم کی جانب سے جن ابھیان کے تحت منعقدہ مصوری مقابلے میں بھی شرکت کی جس میں طلباءکی بڑی تعداد نے شرکت کی اور اَپنی فنی مہارت کا مظاہرہ کیا۔اُن کے ہمراہ ایس ایس پی پلوامہ غلام جیلانی ، اے ڈی ڈی سی پلوامہ ڈاکٹر شیخ عبدالعزیز اور دیگر ضلعی اَفسران بھی تھے۔اِس موقعہ پر طلعت پرویز نے مستحقین میں بی بی بی پی کے تحت زمین پاس بکس، مدر چائلڈ کیئر کِٹس بھی تقسیم کئے۔دوران پروگرام وِزٹنگ افسران نے مختلف محکموں کی طرف سے لاگو کی جانے والی مختلف سکیموںاورمنصوبوں کی پیش رفت کا جائزہ لیا۔ضلع ترقیاتی کمشنر پلوامہ بصیر الحق چودھری نے بھی ایم سی پلوامہ کا دورہ کیا اور آنے والے افسران کے ساتھ لوگوں سے بات چیت کی۔ انہوں نے مائی ٹاﺅن مائی پرائیڈ کی سرگرمیوں میں حصہ لیا اور عوامی مسائل سنے اور ترقیاتی کاموں اور فلاحی، ڈیجیٹل خدمات کی عمل آوری پر عوام سے رائے طلب کی۔ اُنہوں نے کہا کہ ” مائی ٹاﺅن مائی پرائیڈ“ دوسرے مرحلے کے دوران شہر بھر میں ترقیاتی مسائل سے متعلق مباحثے اور موقع پر ہی ازالہ کیا جائے گا۔اس دوران وزیٹنگ آفیسر فردوس احمد گیری نے اے ڈی سی ترال کے ہمراہ ترال شہر کے مختلف مقامات کا دورہ کیا اور حکومت کی طرف سے عام لوگوں کو فراہم کی جانے والی سہولیات کا جائزہ لیا۔متعدد شکایات کا موقعہ پر ہی ازالہ کیا گیا اور باقی شکایات کو فوری ازالے کے لئے متعلقہ محکموں کو بھجوا دیا گیا۔پروگرام میں مختلف لائن ڈپارٹمنٹوں، ڈی ڈی سیز، بی ڈی سیز، پی آر آئیز کے افسران،ملازمین اور بڑی تعداد میں لوگوں نے ان” مائی ٹاﺅن مائی پرائیڈ“ پروگراموں میں شرکت کی۔
” مائی ٹاﺅن مائی پرائیڈ 2.0“ کا دوسرا دِن :پلوامہ میں مختلف سرگرمیاں منعقد
