گپکار الائنس بنانے والوں نے اب خود اس کو بے گور و کفن ہی دفن بھی کیا ہے: سید محمد الطاف بخاری

سرینگر/8مارچ/ اپنی پارٹی کے سربراہ سید محمد الطاف بخاری نے روایتی سیاسی جماعتوں کو شدید الفاظ میں ہدفِ تنقید بناتے ہوئے کہا ہےکہ ان جماعتوں اور ان کے لیڈروں نے ہمیشہ جذباتی نعروں اور پ±ر فریب سیاست کے ذریعے ہمیشہ معصوم لوگوں کو گمراہ کیا ہے۔ انہوں نے کہا کہ دفعہ 370 کی تنسیخ کے بعد جن پارٹیوں نے یہ کہہ کر گپکار الائنس قائم کیا تھا کہ وہ منسوخ شدہ آئینی دفعہ کو واپس لے آئیں گے، نے اب اس خود ساختہ الائنس کو خود ہی دفن کیا ہے۔ان باتوں کا اظہار سید محمد الطاف بخاری نے پارٹی صدر دفتر سرینگر میں ایک خصوصی تقریب سے خطاب کرتے ہوئے کیا۔ اس تقریب کا اہتمام متعدد سیاسی لیڈران کی اپنی پارٹی میں شمولیت پر ا±ن کا استقبال کرنے کے لئے کیا گیا تھا۔ پارٹی جوائن کرنے والوں میں عام آدمی پارٹی کے صدر وسطی کشمیر اور میڈیا انچارج سید مزمل رضوی اور معروف سیاسی لیڈران بشیر احمد قریشی اور محمد رفیق رینہ شامل ہیں۔موصولہ بیان کے مطابق سید محمد الطاف بخاری نے تقریب سے خطاب کرتے ہوئے نئے اراکین کا استقبال کیا اور کہا، ”میں آپ کو اپنی پارٹی میں تہہ دل سے خوش آمدید کہتا ہوں۔ روایتی سیاسی جماعتوں کے برعکس، اپنی پارٹی کی سیاست سچائی اور ایمانداری پر مبنی ہے۔ ہم اپنے سیاسی فائدے کے لیے عوام کو گمراہ کرنے یا جھوٹ بولنے میں یقین نہیں رکھتے ہیں۔ میں آپ کو یقین دلاتا ہوں کہ یہ پارٹی آپ کو عوام کی خدمت کے وافر مواقعے فراہم کرے گی اور مجھے ا±مید ہے کہ آپ کی شمولیت سے آپ کے علاقوں میں پارٹی مزید مضبوط ہوگی۔“روایتی سیاسی جماعتوں اور ان کے لیڈران کو ہدفِ تنقید بناتے ہوئے سید محمد الطاف بخاری نے کہا، ”روایتی سیاسی جماعتوں اور ا±ن کے لیڈران اقتدار کے حصول کےلئے ہمیشہ لوگوں کو جذباتی نعروں اور جھوٹے وعدوں سے لبھاتے رہے ہیں۔ گپکار الائنس کی مثال ہی لے لیجیئے، یہ اتحاد ان جماعتوں نے یہ کہہ کر قائم کیا تھا کہ وہ مل جل کر منسوخ شدہ دفعہ 370 کو واپس لائیں گے۔ حتا کہ ڈی ڈی سی انتخابات کے دوران بھی ان جماعتوں نے یہی وعدہ کرتے ہوئے لوگوں سے ووٹ بھی حاصل کئے۔ اب چار سال بعد ان جماعتوں نے خود ہی الائنس کو دفن کردیا ہے۔ یہاں تک کہ اس خود ساختہ الائنس کی آخری رسومات ادا کرنے کی ضرورت بھی محسوس نہیں کی گئی۔“انہوں نے مزید کہا، ”درحقیقت گپکار الائنس کا قیام محض عوام کو گمراہ کرنے اور انتخابی فائدہ حاصل کرنے کےلئے عمل میں لایا گیا تھا۔ اب اسے سیاسی فائدے کے لئے ہی ختم بھی کیا گیا ہے۔“ اس تقریب میں سید محمد الطاف بخاری کے علاوہ پارٹی کے جو سرکردہ لیڈران موجود تھے، ا±ن میں پارٹی کے سینئر نائب صدر غلام حسن میر، صوبائی صدر محمد اشرف میر، سینئر رہنما اور سرینگر کے سابق میئر جنید عظیم متو، ترجمانِ اعلیٰ اور ریاستی سیکرٹری منتظر محی الدین، میڈیا ایڈوائزر فاروق اندرابی، صوبائی نائب صدر سید مظفر رضوی، ضلع صدر کپوارہ راجہ منظور ، پارٹی کی ایس ٹی ونگ کے جنرل سکریٹری خالد بڈھانہ، پارٹی انچارج جڈی بل حلقہ انتخاب مسرت علی زیلدار، زون انچارج جڈی بل خاص، انچارج چرار شریف حلقہ انتخاب مشتاق ز±وہامی، اور دیگر لیڈران شامل تھے۔