مودی حکومت کے تحت اندرونی سیکورٹی مضبوط ہوئی: مرکزی وزیر داخلہ امیت شاہ

مودی حکومت کے تحت اندرونی سیکورٹی مضبوط ہوئی: مرکزی وزیر داخلہ امیت شاہ
نئی دہلی/ 09 اگست /یو این آئی/ مرکزی وزیر داخلہ امت شاہ نے کہا ہے کہ مودی حکومت کے دور میں بائیں بازو کی انتہا پسندی کا خاتمہ ہوا، کشمیر میں پتھراو¿ کے واقعات رکے، منشیات کے اسمگلروں کے خلاف کریک ڈاو¿ن اور انسداد دہشت گردی کی سیکورٹی میں اضافہ ہوا ہے جس سے ملک مضبوط ہوا ہے۔لوک سبھا میں اپوزیشن جماعتوں کی طرف سے لائے گئے عدم اعتماد کی تحریک پر بحث میں حصہ لیتے ہوئے مسٹر شاہ نے کہا کہ گزشتہ نو برسوں کے دوران ملک میں داخلی سلامتی میں غیر معمولی اضافہ ہوا ہے، جس کی وجہ سے عوام کا ملک کا مودی حکومت پر اعتماد بڑھ گیا ہے۔ اس دوران منشیات کا کاروبار کرنے والے افراد کے خلاف کریک ڈاو¿ن سخت کیا گیا اور بھاری مقدار میں منشیات قبضے میں لے لی گئی۔ حکومت نے منشیات جیسے جرائم کی روک تھام اور اس وبا کے سنڈیکیٹ کو روکنے کے لیے زیرو ٹالرنس کی پالیسی اپنائی۔انہوں نے کہا کہ گزشتہ حکومت میں ایک لاکھ 52 ہزار کلو منشیات پکڑی گئی جبکہ گزشتہ 9 سالوں میں 181 فیصد اضافے کے ساتھ تین لاکھ 73 کلو منشیات پکڑی گئی۔ مودی حکومت آنے سے پہلے 768 کروڑ روپے کی منشیات پکڑی گئی تھی، جب کہ مودی حکومت آنے کے بعد 9 سالوں میں 18 ہزار کروڑ روپے کی منشیات پکڑی گئی اور بڑی تعداد میں مجرموں کو گرفتار کیا گیا۔انہوں نے کہا کہ پی ایف آئی کے 90 مقامات پر چھاپے مار کر اس تنظیم کی کمر توڑ دی گئی۔ کشمیر میں دہشت گردی کی کمر ٹوٹ چکی ہے اور دہشت گردوں کی قبریں کھودی جا رہی ہیں۔ اب دہشت گرد کا جنازہ نہیں نکلتا بلکہ وہیں دفن کیا جاتا ہے جہاں وہ مارا جاتا ہے۔ کشمیر میں کسی کو پتھراو¿ کرنے کی جرات نہیں۔ آج وہاں 40 ہزار منتخب عوامی نمائندے عوام کی خدمت کر رہے ہیں۔ یہاں امن ہے اور 1.80 کروڑ سیاح جموں و کشمیر آئے ہیں۔ وہیں نو سالوں میں دہشت گردی میں 68 فیصد کمی آئی ہے۔ شہریوں کی اموات میں 82 فیصد کمی آئی ہے۔ پتھراو¿ کے واقعہ کو انجام دینے کی کسی میں ہمت نہیں۔مرکزی وزیر نے کہا کہ پہلے اوڈیشہ، جھارکھنڈ، آندھرا پردیش، تلنگانہ، چھتیس گڑھ سمیت دیگر ریاستیں بائیں بازو کی انتہا پسندی کی گرفت میں تھیں لیکن اب بائیں بازو کی انتہا پسندی کی کمر ٹوٹ چکی ہے اور یہ چھتیس گڑھ کے صرف تین اضلاع تک محدود ہے۔ نکسل ازم اب اپنی آخری سانسیں لے رہا ہے۔انہوں نے کہا کہ مودی حکومت نے شمال مشرق کے لئے جو کام کیا ہے وہ بے مثال ہے۔ وزیر اعظم نریندر مودی خود اس میں بڑھ چڑھ کر حصہ لے رہے ہیں اور وہ پہلے وزیر اعظم ہیں جنہوں نے 50 سے زیادہ بار شمال مشرق کا دورہ کیا ہے۔یو این آئی