بی جے پی حکومت نے کر گل جنگ لڑنے کے لیے ہندستانی افواج کو پوری طاقت دی /وزیر اعظم مودی

بی جے پی حکومت نے کر گل جنگ لڑنے کے لیے ہندستانی افواج کو پوری طاقت دی /وزیر اعظم مودی
ہمیر پور، 9 نومبر (یو این آئی)وزیر اعظم نریندر مودی نے بدھ کو ہماچل پردیش کے فوجیوں سے اپیل کی کہ وہ اپنی بہتری کے لیے بی جے پی پر بھروسہ رکھیں اور اس کی حمایت کریں۔یہ بات انہوں نے ہمیر پور ضلع کے سوجان پور ٹیرہ میں انتخابی جلسے سے خطاب کرتے ہوئے کہی۔ ریاست میں 12 نومبر کو انتخابات ہیں۔انہوں نے کہا، ”میں آپ کا پردھان سیوک ہوں اور اسی حیثیت میں میں آپ کی پارٹی کے لیے ووٹ مانگنے آیا ہوں اور مجھے امید ہے کہ لوگ بی جے پی اور اس کے امیدواروں کو اجتماعی طور پر ووٹ دیں گے۔“قوم کے شہدا کو دلی خراج عقیدت پیش کرتے ہوئے مسٹر مودی نے کہا کہ انہیں ایک ایسی جگہ آنے پر فخر ہے جو فوجیوں، سابق فوجیوں اور ان کے خاندانوں کی خدمت کرنے والے کارکنوں کا مرکز ہے۔انہوں نے کہا کہ بی جے پی حکومت نے کارگل جنگ لڑنے کے لیے ہندستانی افواج کو پوری طاقت دی جس کی وجہ سے یہ جنگ جیتی گئی۔وزیراعظم نے کہا کہ ڈبل انجن والی حکومت نے بیٹیوں کے لیے بہت کچھ کیا۔ انہوں نے کہا کہ کانگریس نے ہمیشہ ہماچل کو دھوکہ دیا ہے۔مسٹر مودی نے لوگوں کو خبردار کیا کہ اگر انہوں نے کانگریس کو ووٹ دیا تو وہ 2014 سے بی جے پی نے انہیں جو کچھ دیا ہے وہ کھو دیں گے۔انہوں نے کہا کہ کانگریس پارلیمنٹ میں کچھ نہیں کرتی اور ہمیشہ واک آو¿ٹ کرنا اور نقصان پہنچانا پسند کرتی ہے۔ وزیر اعظم نے کہا کہ ہماچل پردیش میں 10,000 کروڑ روپے کے قومی شاہراہ کے منصوبے چل رہے ہیں اور یہ کام چار سال میں مکمل ہو جائے گا۔یو این آئی