ڈی آئی پی آر نے ” میری مٹی ، میر ادیش “ مہم کے تحت شجرکاری مہم کا اِنعقاد کیا

ڈی آئی پی آر نے ” میری مٹی ، میر ادیش “ مہم کے تحت شجرکاری مہم کا اِنعقاد کیا
سری نگر///انفو////محکمہ اطلاعات و تعلقات عامہ ( ڈی آئی پی آر ) نے جاری ’میری مٹی ، میرا دیش ‘مہم کے تحت آج آزادی کے 75برس کی یاد میں شجرکاری مہم ( واسو داوندھن) کا اِنعقاد کیا جسے ’ آزادی کا اَمرت مہااُتسو‘ کے طور پر منایا جارہا ہے ۔ناظم اطلاعات مِنگا شیر پا نے محکمہ اَفسران اور ملازمین کے ہمراہ مہم میں حصہ لیا اور آفس کمپلیکس کے اَحاطے میں کئی پودے لگائے۔اِس موقعہ پر ناظم اطلاعات نے گفتگو کرتے ہوئے کہا کہ ’آزادی کا اَمرت مہااُتسو‘کے تحت ” واسو داوندھن“( ارتھز ویلتھ) اَقدام منایا جارہا ہے تاکہ ماحول کے تئیں شہریوں میں فخر اور ذمہ داری کے احساس کو فروغ دینے ، مجاہدین آزادی اور فوجیوں کی طرف سے ہماری قوم کے مقصد کے لئے دی گئی عظیم قربانیوں کے بارے میں بیداری پیدا کی جاسکے۔ اُنہوں نے افسروں پر زور دیا کہ وہ ”میری مٹی، میرا دیش“ مہم کے بارے میں لوگوں میں زیادہ سے زیادہ بیداری پیدا کریں کیوں کہ اس میں اس محکمہ کا اہم کردار ہے۔اِس مہم میں محکمہ کے تمام اَفسروں اور ملازمین نے شرکت کی جنہوں نے محکمہ کے احاطے میں پودے لگائے۔