ڈی سی اننت ناگ نے سنو کلیئر نس اور صحت سہولیات اَقدامات کا لیاجائزہ

ڈی سی اننت ناگ نے سنو کلیئر نس اور صحت سہولیات اَقدامات کا لیاجائزہ
اننت ناگ/انفو/ضلع میں پہلی برفباری اور کچھ علاقوں میں تقریباً ایک فٹ جمع ہونے کے بعد اِس بات کو یقینی بنانے کے لئے ضلع سڑکوں سے برف ہٹانے اور صاف کرنے کے لئے سنو کٹر تعینات کئے گئے تھے اور خدمات میں کوئی بڑی رُکاوٹ نہیں دیکھی گئی۔ضلع ترقیاتی کمشنر اننت ناگ ڈاکٹر بشارت قیوم نے مختلف علاقوں کا تفصیلی دورہ کیا ۔اُنہوںنے سرکاری ہسپتال ،جنگلات منڈی اور سب ڈسٹرکٹ ہسپتال بجی بہاڑہ کا دورہ کیا اور عملے اور مریضوں سے اِستفساری گفتگو کی ۔ اُنہوں نے ہسپتال حکام کو ہدایت دی کہ طبی عملے کی چوبیس گھنٹے دستیاب کو یقینی بنایا جائے۔ضلع ترقیاتی کمشنر نے بجی بہاڑہ میں کے پی ڈی سی ایل ورکشاپ کا بھی دورہ کیا ۔اُنہوں نے اَفسران کو ہدایت دی کہ وہ اِس بات کو یقینی بنائیں کہ ٹرانسفارمروں میں کسی بھی قسم کی خرابی کو بغیر کسی تاخیر کے بحال کیا جائے۔ اُنہوںنے کہاکہ بجلی کی تعطل کو کم سے کم کیا جانا چاہیے اور محکمہ چاہیے کہ جہاں بھی ضرورت ہو ٹرانسفارمروں کی بروقت تبدیلی کو یقینی بنائے۔اُنہوں نے میکنیکل اِنجینئرنگ ڈویژن کے سنو کنٹرول روم کا بھی دورہ کیا۔ بتایا گیا کہ ہنگامی اِمداد ی کالوں پر خصوصی توجہ دے کر ضلع کے تمام حصوں میں برف صاف کرنے کی کارروائیاں جاری ہیں۔اَفسران نے ضلع ترقیاتی کمشنر کو جانکاری دی کہ پی 1 سڑکوں اور طبی سہولیات تک رَسائی کی سڑکوں کو ترجیحی بنیادوں پر صاف کیا جارہا ہے۔ڈاکٹر بشارت قیوم نے کہاکہ اَفرادی قوت اور مشینری تعینات کی گئی ہے اور برف صاف کرنے کا کام جاری ہے۔ اُنہوں نے کہا کہ مسلسل برفباری کی وجہ سے سڑکوں پر پھسلن ہیں اور لوگوں کو سفر کرتے وقت احتیاب برتنی چاہیے ۔اُنہوں نے کہا کہ وہ ذاتی طور پر ضروری خدمات کی نگرانی کر رہے ہیں اور کام پر موجود رسپانس ٹیموں کی طرف سے تیزی سے خرابیوں کو دُور کرنے کی وجہ سے بڑی رُکاوٹوں اور بجلی کی تعطل کی کوئی اطلاع نہیں ہے۔اُنہوں نے کہا کہ لوگ مد د کے لئے جاری کئے گئے کنٹرول نمبرات پر ضلع اِنتظامیہ تک پہنچ سکتے ہیں۔تمام کنٹرول روم کام کر رہے ہیں اور مدد کی کالوں پر توجہ دی جارہی ہے ۔اُنہوں نے کہا کہ لوگوں کو کم سے کم رُکاوٹ کو یقینی بنانے کی ہر ممکن کوشش جاری ہے۔ضلع ترقیاتی کمشنر اننت ناگ کے ہمراہ اے ڈی سی اننت ناگ اور دیگر اَفسران بھی تھے۔