جموں…انفو….نائب وزیر اعلیٰ نے کہا کہ حکومت نے سری نگر میں سڑکوں پر ٹریفک کی روانی کو بہتر بنانے کیلئے مختلف اہم سڑک پروجیکٹ اور کاریڈور ترقیاتی کام شروع کئے ہیں ۔ نائب وزیر اعلیٰ نے ایوان میں قانون ساز تنویر صادق کی طرف سے اُٹھائے گئے ایک سوال کا جواب دیتے ہوئے کہی۔ انہوں نے ایوان کو بتایا کہ فی الحال مختلف مراحل میں عمل درآمد کیلئے زیر التوا منصوبوں میں نوشہرہ سے صورہ ( کے زیڈ پی روڈ ) ، سعدہ کدل سے شاہی باغ ( ایس ایم ایس روڈ ) ، دیوی آنگن ۔ حول روڈ کے علاوہ علمگری بازار چوک اور مرزا کامل صاحب ( ایم کے صاحب ) چوک کاریڈور شامل ہیں ۔ انہوں نے کہا کہ سرینگر کے ڈاو¿ن ٹاو¿ن میں سڑکیں پرانی ہیں اور ٹریفک کے حجم میں بہت زیادہ اضافہ ، شہری کاری اور تجارتی سرگرمیوں کی وجہ سے خاص طور پر پیک اوقات میں بھیڑ ہوتی ہے ۔ انہوں نے کہا ” روٹین دیکھ بھال اور ضروری مرمت کا کام وقتاً فوقتاً کیا جاتا ہے تا کہ ٹریفک کی نقل و حمل کو یقینی بنایا جا سکے ۔ “ نائب وزیر اعلیٰ نے کہا کہ شناخت شدہ سٹریچز کی بہتری اور توسیع کیلئے ابتدائی جائیزے کئے گئے ہیں ۔ انہوں نے کہا ” زیادہ تر معاملات میں جامع توسیع کیلئے کافی زمین کا حصول ، یوٹیلیٹیز کی منتقلی اور قبضہ ہٹانا ضروری ہے جس کیلئے بین الشعبہ ہم آہنگی درکار ہے ۔ “ انہوں نے یہ بھی کہا کہ بعض سٹریچز میں زمین کے حصول کا عمل عدالت میں زیر التوا مقدمات کی وجہ سے متاثر ہوا ہے جس سے پیش رفت پر اثر پڑا ہے ۔ نائب وزیر اعلیٰ نے تفصیلات کا اشتراک کرتے ہوئے نے بتایا کہ نوشہرہ سے صورہ ( کے زیڈ پی روڈ ) کے نلبل برج کے قریب موجودہ ڈھانچے حاصل کئے جا چکے ہیں اور باقی ڈھانچوں کا حصول ہائی لیول کمیٹی ( ایچ ایل سی ) میں تصفیہ /گفتگو اور زیر التوا عدالت کے مقدمات کی حتمی شکل کے بعد کیا جا رہا ہے ۔ انہوں نے کہا کہ حکومت ڈاون ٹاون سرینگر میں ٹریفک کی بھیڑ بھاڑ کے مسائل سے بخوبی آگاہ ہے اور ایمبو لینس ، فائر سروسز اور دیگر ایمر جنسی گاڑیوں کی ہموار آمدورفت کو یقینی بنانے کی ضرورت کو تسلیم کرتی ہے ۔ انہوں نے کہا کہ سڑکوں کی اپ گریڈیشن اور بہتری کے کاموں کو مرحلہ وار انجام دیا جا رہا ہے ۔ یہ ضمنی سوالات اراکین قانون ساز مُبارک گُل اور شمیم فردوس نے اُٹھائے تھے ۔
سری نگر میں ٹریفک کو کم کرنے کیلئے اہم سڑک اور کاریڈور ترقیاتی پروجیکٹ شروع کئے گئے ۔ نائب وزیر اعلیٰ
