ملک محفوظ ، سرحدوں کی حفاظت پہلی ترجیح / راجناتھ سنگھ

ملک محفوظ ، سرحدوں کی حفاظت پہلی ترجیح / راجناتھ سنگھ
سرینگر /18مئی / سی این آئی /پاکستان ملی ٹنٹوں کو محفوظ پناہ گاہ بنا رہا تو اس کے ساتھ بات چیت کبھی نہیں ہو سکتی کا اعلان کرتے ہوئے وزیر دفاع راجناتھ سنگھ نے کہا کہ بھارت مخالف قوتیں”ہماری پیشرفت اور طاقت کو ہضم کرنے سے قاصر ہیں“ اس کیلئے براہ راست سامنا کرنے کی ہمت نہیں ہے جس کیلئے انہوں نے در پردہ جنگ چھیڑ رکھی ہے ۔انہوں نے واضح کر دیا کہ ملک کی مسلح افواج کسی بھی خطرہ کا سامنا کرنے کیلئے تیار ہے۔ سی این آئی کے مطابق مہاراشٹر کے چھترپتی سنبھاجی نگر میں ایک تقریب سے خطاب کرتے ہوئے وزیر دفاع راجناتھ سنگھ نے کہا کہ ملک کی مسلح افواج افواج اس کے لیے اہل اور تیار ہیں۔انہوں نے کہا کہ ”ہم نے چھترپتی شیواجی اور مہارانا پرتاپ جیسے انقلابیوں سے سیکھا ہے کہ ہم پر بری نظر ڈالنے کی کوشش کرنے والوں کو منہ توڑ جواب دیا جائے گا۔“انہوں نے کہا کہ سرحدوں کی حفاظت، عوام کی حفاظت اور قوم کی یکجہتی، سالمیت اور خودمختاری کا تحفظ حکومت کی اولین ترجیح ہے، جبکہ حکومت ملک کو ہر قسم کے خطرات سے محفوظ رکھنے اور آگے بڑھنے کیلئے تمام تر کوششیں کر رہی ہے۔راجناتھ سنگھ نے پاکستان کے نام سخت پیغام دیتے ہوئے کہا کہ پاکستان ملی ٹنٹوں کو محفوظ پناہ گاہ بنا رہا تو اس کے ساتھ بات چیت کبھی نہیں ہو سکتی ہے ۔ خطاب کے دوران راجناتھ سنگھ نے کہا جموں و کشمیر میں دفعہ 370 کو منسوخ کر دیا گیا ہے۔ دہشت گردی، انتہا پسندی اور نکسل ازم کے خلاف موثر کارروائی کی گئی ہے۔ ملک اندرونی اور بیرونی دونوں محاذوں پر مکمل طور پر محفوظ ہے۔انہوں نے مزید کہا کہ اوڑی اور پلوامہ کے واقعات کے بعد ہندوستانی مسلح افواج نے سرجیکل اسٹرائیک اور فضائی حملوں کے ذریعے ایک مضبوط پیغام دیا کہ وہ سرحد کے اندر یا اس کے پار دہشت گردی سے لڑنے اور اسے ختم کرنے کیلئے تیار ہیں۔انہوں نے کہا کہ سرحدوں کی حفاظت، عوام کی حفاظت اور قوم کی یکجہتی، سالمیت اور خودمختاری کا تحفظ حکومت کی اولین ترجیح ہے، جب کہ حکومت ملک کو ہر قسم کے خطرات سے محفوظ رکھنے اور آگے بڑھنے کے لیے تمام تر کوششیں کر رہی ہے۔