پہلگام دہشت گردانہ حملہ دل گیر کرنے والا واقعہ/وزیر دفاع راج ناتھ سنگھ

سری نگر…۹۱،ستمبر…جے کے این ایس ….وزیر دفاع راج ناتھ سنگھ نے جمعہ کو کہاکہ پہلگام میں خوفناک دہشت گردانہ حملے کے بعد آپریشن سندور کو انجام دیتے ہوئے، ہندوستان نے اپنے دشمن کو دکھایا کہ ملک کی جوابی کارروائی کتنی مضبوط ہوسکتی ہے۔ راجناتھ سنگھ نے یہ بھی کہا کہ ہندوستان کی مسلح افواج نے جس بہادری اور ہمت کے ساتھ آپریشن کو انجام دینے میں کام کیا اس نے ثابت کر دیا ہے کہ فتح اب ہمارےلئے مستثنیٰ نہیں رہی ۔جے کے این ایس کے مطابق وزیر دفاع راجناتھ سنگھ نئی دہلی میں1965 کی جنگ کے سابق فوجیوں کے ایک گروپ سے بات چیت کر رہے تھے۔راجناتھ سنگھ نے کہا کہ ہم نے آپریشن سندھور شروع کیا اور دشمن کو دکھایا کہ ہماری جوابی کارروائی کتنی مضبوط ہو سکتی ہے۔انہوںنے کہاکہ ہماری ٹیم نے جس ہمت اور حوصلے کے ساتھ کام کیا اس نے ثابت کر دیا ہے کہ فتح اب ہمارے لیے مستثنیٰ نہیں رہی۔ راجناتھ سنگھ نے کہاکہ جیت ہماری عادت بن گئی ہے۔ اور ہمیں اس عادت کو ہمیشہ برقرار رکھنا چاہیے۔وزیر دفاع نے کہا کہ پہلگام دہشت گردانہ حملے کے بعد حکومت اس میں ملوث افراد کو سزا دینے کے لیے پرعزم ہے۔انہوںنے مزیدکہاکہ جب بھی وہ واقعہ ہمارے ذہن میں آتا ہے، ہمارا دل بھاری ہو جاتا ہے۔وزیر دفاع کاکہناتھاکہ وہاں جو کچھ ہوا اس نے ہم سب کو ہلا کر رکھ دیا۔ لیکن یہ واقعہ ہمارے حوصلے کو نہ توڑ سکا۔ انہوں نے کہاکہ ہمارے وزیر اعظم نے یہ عزم کیا ہے کہ اس بار دہشت گردوں کو ایسا سبق سکھایا جائے گا کہ انہوں نے کبھی سوچا بھی نہ ہوگا۔راجناتھ سنگھ نے یہ بھی کہا کہ ہندوستان بحیثیت قوم آزادی کے بعد سے اپنے پڑوسیوں سے متعلق معاملات میں زیادہ خوش قسمت نہیں رہا ہے۔انہوںنے کہاکہ ہمارے سامنے ہمیشہ کسی نہ کسی قسم کے چیلنجز آتے رہے ہیں۔ لیکن یہ ہم ہندوستانیوں کی خاصیت ہے کہ ہم ان چیلنجوں کو قسمت سمجھ کر قبول کرنے سے نہیں بیٹھے۔وزیر دفاع راج ناتھ سنگھ نے کہاکہ ہم نے سخت محنت کی اور اپنی تقدیر خود بنائی، اپنا مستقبل خود بنایا ۔