بھارت نے دفاعی لحاظ سے کافی ترقی کرلی ہے جو دوسرے ملکوںکو شائد پسند نہیں

بھارت نے دفاعی لحاظ سے کافی ترقی کرلی ہے جو دوسرے ملکوںکو شائد پسند نہیں
ملک کا دفاعی نظام جتنا مضبوط ہوگا ، ملکی سلامتی اُتنی ہی یقینی بن جائے گی ۔ وزیر اعظم مودی
سرینگر19اکتوبر سی این آئی وزیر اعظم نریندر مودی نے کہاکہ بھارت نے دفاعی شعبہ میں کافی ترقی کی ہے اور گجرات میں قائم ڈیفنس ایکسپو سے اگرچہ کچھ ممالک کو تکلیف ہوئی ہوگی تاہم بہت سے ہم خیال ممالک بھارت کے ساتھ ہیں ۔ وزیر اعظم نے کہا کہ بھارت کا دفاعی شعبہ مضبوط ہونے سے ہی ملک کی سلامتی یقینی ہے ۔ انہوں نے بتایا کہ اسلحہ کی صنعت میں کئی ممالک دوسروںکو موقع فراہم نہیں کرتے ہیں تاہم بھارت نے اپنی جگہ بنالی ہے ۔ سی این آئی کے مطابق وزیر اعظم نریندر مودی نے بدھ کو ہندوستان،پاکستان سرحد کے قریب شمالی گجرات میں بننے والے ایک نئے ایئربیس کا سنگ بنیاد رکھا اور کہا کہ یہ ملک کی سلامتی کے لیے ایک موثر مرکز کے طور پر ابھرے گا۔گجرات کے دارالحکومت گاندھی نگر میں ڈیفنس ایکسپو 2022 کا افتتاح کرنے کے بعد خطاب کرتے ہوئے مودی نے یہ بھی کہا کہ دفاعی فورسز مزید 101 اشیاءکی فہرست جاری کریں گی جنہیں درآمد نہیں کیا جا سکتا۔انہوں نے کہا کہ اس کے ساتھ دفاع سے متعلق 411 سامان صرف مقامی طور پر خریدا جا سکتا ہے۔وزیر اعظم نے کہاکہ ملک کی اب تک کی سب سے بڑی ڈیفنس ایکسپو نے ایک نئے مستقبل کی پر زور شروعات کی ہے۔ میں جانتا ہوں کہ اس سے کچھ ممالک کو تکلیف بھی ہوئی ہے لیکن مثبت سوچ کے حامل کئی ممالک ہمارے ساتھ ہیں۔نریندر مودی نے مزید کہاکہ اس سے ہندوستانی دفاعی صنعت کو بڑا فروغ ملے گا۔انہوں نے کہا کہ ڈیفنس ایکسپو عالمی بھلائی کے بارے میں بھی ہے۔ چھوٹے ممالک اس سے مستفید ہو سکتے ہیں۔انہوں نے کاہ کہ دفاعی شعبے میں صنعت کار نئے کھلاڑیوں کی اجازت نہیں دیتے لیکن ہندوستان نے اپنی جگہ بنا لی ہے۔پی ایم نے کہا کہ انہیں خوشی ہے کہ جب ہندوستان مستقبل کے ان مواقع کو شکل دے رہا ہے تو 53 افریقی ممالک جو ہندوستان کے دوست ہیں ہمارے ساتھ کندھے سے کندھا ملا کر کھڑے ہیں۔چین کانام لئے بغیر انہوں نے کہا کہ ڈیفنس ایکسپو نے کچھ ممالک کو “تکلیف کا باعث” بنایا ہے۔پی ایم نے یہ بھی کہا کہ یہ ایک بے مثال ڈیف ایکسپو ہے کیونکہ اس میں پہلی بار صرف ہندوستانی کمپنیاں حصہ لے رہی ہیں۔انہوں نے کہا کہ شمالی گجرات میں بناسکانٹھا کے ڈیسا میں بننے والا فضائی اڈہ “ملک کی سلامتی کے لیے ایک مو¿ثر مرکز کے طور پر ابھرے گا۔انہوں نے یہ بھی کہا کہ گزشتہ چند سالوں میں ہندوستانی دفاعی مصنوعات کی برآمدات میں آٹھ گنا اضافہ ہوا ہے۔انہوںنے کہا کہ ملک نے ایک طویل سفر طے کیا ہے، جیسا کہ “پہلے ہم کبوتر چھوڑتے تھے اور اب چیتا چھوڑتے ہیں۔