ڈی سی بارہمولہ نے ضلع میں ” بہتر حکمرانی ہفتہ “ کی تقریب کا کیااِفتتاح

ڈی سی بارہمولہ نے ضلع میں ” بہتر حکمرانی ہفتہ “ کی تقریب کا کیااِفتتاح
بارہمولہ   /   انفو           /     عوامی شکایات کے فوری اور مو¿ثر طریقے سے نمٹانے اور لوگوں کو بہتر خدمات کی فراہمی کو یقینی بنانے کے لئے ’سرکار ہر شہر کے دوار‘ کے تھیم کے تحت آج ضلع بھر میں ’پرشاسن گاوں کی اور‘ کے عنوان سے ’بہتر حکمرانی ہفتہ‘ منایا جا رہا ہے۔اِس سلسلے میں ضلع ترقیاتی کمشنر بارہمولہ ڈاکٹر سیّد سحرش اَصغر نے آج یہاں ڈاک بنگلہ میں ایک ورکشاپ کا اِفتتاح کیا ۔اِفتتاحی ورکشاپ میں ایڈیشنل ڈپٹی کمشنر بارہمولہ ظہور احمد رینہ ، جوائنٹ ڈائریکٹر پلاننگ محمد یوسف راتھر، اسسٹنٹ کمشنر پنچایت، محکمہ تعلیم ، دیہی ترقی محکمہ کے اَفسران ، دیگر متعلقہ اَفسران کے علاوہ اِستفادہ کنندگان کی بڑی تعداد موجود تھی۔ابتداً، ضلع ترقیاتی کمشنر نے مختلف محکموں کی طرف سے لگائے گئے سٹالوں کا معائینہ کیا تاکہ لوگوں کو حکومت کی طرف سے فراہم کی جارہی خدمات او رسکیموں کے بارے میں بیداری فراہم کی جاسکے۔اِس موقعہ پر ضلع ترقیاتی کمشنر نے پی ایم جے اے وائی ۔ صحت کے تحت مختلف اِستفادہ کنند گان میں گولڈن کارڈ تقسیم کئے۔ضلع ترقیاتی کمشنر نے سٹالوں کے معائینے کے بعد اِجتماع سے خطاب کرتے ہوئے کہاکہ ” بہتر حکمرانی ہفتہ“ ہمیں ایک شفاف اور مو¿ثر پبلک ڈیلیوری سسٹم بنانے اور گورننس کو مزیدبہتر بنانے کے لئے موقعہ فراہم کرتا ہے۔ اُنہوں نے کہا کہ ضلعی اِنتظامیہ نے عوامی شکایات کے اَزالے اور خدمات کی فراہمی کے طریقہ کار کو بہتر بنانے کے لئے ” بہتر حکمرانی ہفتہ “ کے موقعہ پر منعقد کی جانے والی سرگرمیوں کے تفصیلی منصوبے تیار کئے ہیں تاکہ عوام کو نچلی سطح پر فائدہ پہنچایا جاسکے۔ڈاکٹر سیّد سحرش اَصغر نے مزید کہا کہ ہفتہ بھر جاری رہنے والی تقریبات کے دوران ضلع بھر میں کورپشن ، منشیات کے اِستعمال سمیت مختلف اقدامات کے خلاف مہم کو تیز کیا جائے گا ۔ اِس کے علاوہ ضلع میں ڈیجیٹل سروسز کو بہتر بنانے کے لئے مختلف سرگرمیاں بھی کی جائیں گی۔دریں اثنا، ضلع ترقیاتی کمشنر نے اِس ماہ کی 25تاریخ تک بیک ٹو وِلیج مرحلہ چہارم پروگرام میں شناخت کئے گئے تقریباً6,000 اِستفادہ کنند گان کے لئے خود روزگار سکیموں کو مکمل کرنے کے لئے اَفسران کو ہدایت دی۔اُنہوں نے مختلف شعبوں میں مختلف محکموں کی طرف سے عام لوگوں کو فائدہ پہنچانے کے لئے گورننس کوبہتر کرنے اور بہتر بنانے کے لئے کئے گئے اختراعی اقدامات کو سراہتے ہوئے تعلیم، صحت اور اس طرح کے دیگر محکموں کی کاوشوں کو سراہا جنہوں نے عوامی خدمت میں انتھک محنت کی۔اُنہوں نے تمام ضلعی افسران پر مزید زور دیا کہ وہ اس بات پر توجہ مرکوز کرتے ہوئے مثالیں قائم کریں کہ نچلی سطح پر لوگوں کی فلاح و بہبود کے لئے کیا کیا جا سکتا ہے۔