کٹھوعہ..انفو… ریٹرننگ آفیسر4 اودھمپور پارلیمانی حلقہ ڈاکٹر راکیش مِنہاس نے آئندہ پارلیمانی اِنتخابات کے لئے نامزدگی کے عمل کے لئے نوٹیفکیشن جاری کیا۔اِس پارلیمانی حلقہ (پی سی) میںاِنتخابات اِنتخابی عمل کے پہلے مرحلے کے دوران ہونے والے ہیں۔الیکشن نوٹیفکیشن میں پارلیمانی اِنتخابات میں حصہ لینے کے خواہشمند اُمیدواروں کے لئے ٹائم لائن اور طریقہ کار کی وضاحت کی گئی ہے۔نوٹیفکیشن کے مطابق اُمیدوار یا ان کے تجویز کنندگان ریٹرننگ آفیسر کے دفتر یا اسسٹنٹ ریٹرننگ آفیسر 67 کٹھوعہ اے سی (اے سی آر کٹھوعہ) کے ذریعے ضلع ترقیاتی کمشنر آفس کٹھوعہ میں صبح 11 بجے سے سہ پہر 3 بجے تک (عام تعطیل کے علاوہ) 27 مارچ 2024 ءکے بعد کاغذات نامزدگی داخل کرسکتے ہیں۔نامزدگی فارم کٹھوعہ میںضلع ترقیاتی کمشنر کے دفتر میں واقع ریٹرننگ آفیسر کے دفتر سے حاصل کئے جاسکتے ہیں۔کاغذات نامزدگی کی جانچ پڑتال 28 مارچ 2024 ءکو دوپہر ایک بجے ضلع ترقیاتی کمشنر آفس کٹھوعہ میں ہوگی۔اُمیدواروں کے پاس 30 مارچ 2024 ءکو سہ پہر 3 بجے تک اَپنی کاغذاتِ نامزدگی واپس لینے کا اِختیار ہے۔حلقے میں پولنگ کا دِن 19 اپریل 2024 ءکو مقرر کیا گیا ہے اور یہ صبح 7 بجے سے شام 6 بجے تک ہوگا۔بعد میں اِس سلسلے میں ریٹرننگ آفیسر 4اودھمپور پارلیمانی حلقہ نے ایک پریس کانفرنس سے خطاب کرتے ہوئے بتایا کہ نیگوشیایبل انسٹرومنٹ ایکٹ 1881 کے تحت ان تاریخوں پر عام تعطیل کی وجہ سے 23، 24 اور 25 مارچ 2024 ءکو نامزدگی کا کوئی عمل نہیں ہوگا۔ڈاکٹر راکیش مِنہاس نے تمام اہل اُمیدواروں اورشراکت داروںپر زور دیا کہ وہ اِنتخابی شیڈول اور اِنتخابی نوٹیفکیشن میں بیان کردہ طریقہ¿ کار پر عمل کریں اور منصفانہ اور شفاف اِنتخابات کو یقینی بنانے کے لئے تمام متعلقہ جماعتوں کی فعال شرکت اور تعاون کی اپیل کی۔
عام اِنتخابات۔ 2024ئ:ریٹرننگ آفیسر 4۔اودھمپور پارلیمانی حلقہ نے اِنتخابی نوٹیفکیشن جاری کی
