جموں….انفو….وزیر برائے جل شکتی، جنگلات و ماحولیات اور قبائلی امور محکمہ جات جاوید احمد رانا نے ایک ورچیول جائزہ میٹنگ کی صدارت کی تاکہ مینڈھر میں تعمیراتِ عامہ ( پی ڈبلیو ڈِی)کی جانب سے جاری ترقیاتی کاموں کی پیش رفت کا جائزہ لیا جا سکے۔میٹنگ میں چیف اِنجینئر پی ڈبلیو (آر اینڈ بی) پیر پنجال ، ایگزیکٹیو اِنجینئر پی ڈبلیو (آر اینڈ بی) مینڈھر اور متعلقہ محکموں کے دیگر افسران نے شرکت کی۔وزیر موصوف نے جائزہ کے دوران ایس اے ایس سی آئی کے تحت جاری منصوبوں، اِی ایم آر ایس اِنفراسٹرکچر سے متعلق کاموں، یو ٹی کیپکس بجٹ اور نبارڈ کے تحت مختلف سڑک منصوبوں اور مینڈھر ٹاو¿ن میں نکاسی کے نظام پر جاری کاموں کا تفصیلی جائزہ لیا۔اُنہوں نے تمام منصوبوں کی بروقت تکمیل کو یقینی بنانے کے لئے معیار کو برقرار رکھنے، ٹائم لائنز کی پابندی اور رُکاوٹوں کو دور کرنے پر زور دیا۔جاوید رانا نے اَفسران کو ہدایت دی کہ منصوبوں کی معیاری تکمیل کو یقینی بنایا جائے تاکہ عوامی مسائل کو مو¿ثر طریقے سے حل کیا جا سکے۔اُنہوںنے اَفسران کو ہدایت دی کہ وہ اَپنی عوامی اہمیت کو مدنظر رکھتے ہوئے بالخصوص سڑکوں سے رابطے کے پروجیکٹوں پر عمل درآمد کی رفتار کو تیز کریں۔ اُنہوں نے فیلڈ سطح پرقریبی نگرانی پر زور دیا اور اَفسران سے کہا کہ وہ باقاعدہ پیش رفت کی رپورٹ پیش کریں۔وزیر موصوف نے متوازن اور جامع ترقی کے تئیں حکومت کے عزم کا اعادہ کرتے ہوئے کہا کہ مینڈھر جیسے سرحدی اور دُور دراز علاقوں میں بنیاد ی ڈھانچے کی بہتری اوّلین ترجیح ہے اور تمام جاری کاموں کو مقامی لوگوں کے فائدے کے لئے مقررہ مدت کے اندر مکمل کیا جانا چاہیے۔
جاوید رانا نے مینڈھر میں جاری ترقیاتی کاموںکا جائزہ لیا
