اِنتظامی کونسل نے راجوری سے بابا غلام شاہ بادشاہ یونیورسٹی تک ڈبل کیریج وے روڑ کو منظور ی دی

اِنتظامی کونسل نے راجوری سے بابا غلام شاہ بادشاہ یونیورسٹی تک ڈبل کیریج وے روڑ کو منظور ی دی
جموں    انفو    اِنتظامی کونسل کی میٹنگ لیفٹیننٹ گورنر منوج سنہا کی صدارت میں منعقد ہوئی جس میں ضلع صدر مقام راجوری سے بابا غلام شاہ بادشاہ یونیورسٹی( بی جی ایس بی یو) تک 8کلومیٹر سڑک کو اَپ گریڈ کرنے کی تجویز کو منظوری دی۔میٹنگ میں لیفٹیننٹ گورنر کے مشیر راجیو رائے بھٹناگر اور چیف سیکرٹری ڈاکٹر ارون کما مہتا نے شرکت کی۔یہ سڑک یونیورسٹی کے لئے ایک اہم لنک ہونے کی وجہ سے مختلف دیہاتوں یعنی دھنور جارالاں ، دھنور دھیانڈیان ، چودھری نار اور رتل ، راجوری ٹاﺅن کے مضافاتی علاقے میں رہنے والی تقریباً 20,000نفوس کی آبادی کو بھی رابطہ فراہم کرتاہے ۔ اِس کے مطابق اِنتظامی کونسل نے راجوری سے بابا غلام شاہ بادشاہ یونیورسٹی( بی جی ایس بی یو)تک 8کلومیٹر سڑک کی تعمیر کی منظور ی دی ہے جس کی تخمینہ لاگت 31.52کروڑ روپے ہے تاکہ موجودہ 6میٹر سے 10میٹر چوڑائی کو7میٹر کے کیریج وے اور 14 میٹر کے کوری ڈورکو چوڑا کیا جاسکے۔